Uyghur ili bu yil az kem 20 milyard som hökümet zayomi tarqitidu

Muxbirimiz erkin
2017-02-24
Élxet
Pikir
Share
Print

Uyghur aptonom rayoni bu yil az kem 20 milyard som qimmitide hökümet zayomi tarqitishni pilanlighan.

Xitay zayom tor békitining xewer qilishiche, Uyghur aptonom rayoni xitaydiki 2017‏-yilliq hökümet zayomi tarqitishni pilanlighan tunji rayon iken. Xewerde, bu yil Uyghur aptonom rayonning 19 milyard 950 milyon somluq zayom tarqitishni pilanlighanliqini we ösümining 4.5 Pirsent qilip békitilgenlikini bildürdi.

Uyghur aptonom rayoni bu yil 2016‏-yilqidin bir milyard 300 milyon som artuq hökümet zayomi tarqitidu. Da'iriler 2016‏-yili 3 yilliq, 5 yilliq, 7 yilliq we 10 yilliq qerel bilen 18 milyard 650 milyon som hökümet zayomi tarqatqan idi.

Uyghur aptonom rayonining zayom pilani, xitay maliye ministirliqining 21‏-féwral belgilime chiqirip, rayon we ölkilik hökümetlerning 2017‏-yilliq zayom tarqitish pilanida "Eqilge muwapiq" bolushni we qerz tarqitishni qattiq kontrol qilishni telep qilghan mezgilde chiqirildi.

Yéqinqi yillardin béri, yerlik hökümetning qerzi dawamliq köpiyip, xitay maliyesidiki zor xewplik mesilige aylan'ghan. Xitay maliye ministirliqining ashkarilishiche, 2016‏-yili xitay yerlik hökümetlirining qerzi 17 térli'on 200 milyard somgha yétip, 2015‏-yildikidin bir térli'on 200 milyard som artqan. Emma, yerlik hökümetler tarqatqan zayom buning ichide emes.

Toluq bet