Xitay hökümiti Uyghur rayonida "Shekilwazliq" we "Byurokratliqqa qarshi turush" herikiti qozghighan

Muxbirimiz erkin
2019-08-23
Élxet
Pikir
Share
Print

Xitay hökümiti Uyghur rayonida qozghighan "Ikki yüzlimichilik" we "Qara guruhlar, rezil küchler" ge qarshi turush heriketliridin kéyin, emdi "Shekilwazliq" qa we "Byurokratliq" qa qarshi turush herikiti qozghighan. "Xitay xewerler tori" ning ashkarilishiche, nöwette Uyghur rayonidiki yerlik organlar aptonom rayonluq partkomning "Shekilwazliqqa alaqidar körünerlik mesililerni hel qilishning 20 xil charisi" namliq höjjitini ijra qilmaqtiken. Mezkur höjjetning qachan chüshürülgenliki melum emes. Emma xitay taratqulirining bu heqtiki xewerliride, bu höjjetni ijra qilishta yéza-kentlerdiki xizmet etretlirining awan'gart rol oynawatqanliqi, nöwette ularning "Her xil tekshürüsh, nazaret ötkellirining halsiritishidin qutulup, téximu köp zéhnini bu mesilini hel qilishqa qaratqanliqi" tekitlenmekte.

Bu, xitay hökümitining Uyghur rayonida yéqinqi 2 yil ichide élip barghan 3‏-qétimliq herikitidur. Xitay hökümiti 2017‏-yili Uyghur rayonida qozghighan "Ikki yüzlimichiler" ge qarshi turush herikitide hökümet, partiye, ijtima'iy we kespiy sahelerdiki nurghun Uyghur kadirlar, ziyaliylar, diniy zatlar "Ikki yüzlimichilik" bilen eyiblinip qama q jazalirigha höküm qilin'ghan yaki yighiwélish lagérlirigha qamalghanidi. Xitay hökümiti yene "Ikki yüzlimichiler" ge qarshi turush herikitining arqisidin yene "Qara guruhlar, rezil küchler" ni tazilash herikiti élip barghan bolup, közetküchilerning éytishiche, bu herikettimu nurghun kadir, tijaretchi, diniy zat we jem'iyet serxilliri jazalinishqa uchrighan. Xitay taratqulirining ilgiri sürüshiche, bu nöwetlik "Shekilwazliq" we "Byurokratliq" qa qarshi turush herikiti "Kompartiyening shinjangni bashqurush heqqidiki bash nishani emeliyleshtürüshte ünümdarliqni qoghlashmighan, shekilwaz qilmishlarni tügitishke qaritilghan" iken.

Toluq bet