Хитай һөкүмити уйғур районида «шәкилвазлиқ» вә «бюрократлиққа қарши туруш» һәрикити қозғиған

Мухбиримиз әркин
2019-08-23
Елхәт
Пикир
Share
Принт

Хитай һөкүмити уйғур районида қозғиған «икки йүзлимичилик» вә «қара гуруһлар, рәзил күчләр» гә қарши туруш һәрикәтлиридин кейин, әмди «шәкилвазлиқ» қа вә «бюрократлиқ» қа қарши туруш һәрикити қозғиған. «Хитай хәвәрләр тори» ниң ашкарилишичә, нөвәттә уйғур районидики йәрлик органлар аптоном районлуқ парткомниң «шәкилвазлиққа алақидар көрүнәрлик мәсилиләрни һәл қилишниң 20 хил чариси» намлиқ һөҗҗитини иҗра қилмақтикән. Мәзкур һөҗҗәтниң қачан чүшүрүлгәнлики мәлум әмәс. Әмма хитай таратқулириниң бу һәқтики хәвәрлиридә, бу һөҗҗәтни иҗра қилишта йеза-кәнтләрдики хизмәт әтрәтлириниң авангарт рол ойнаватқанлиқи, нөвәттә уларниң «һәр хил тәкшүрүш, назарәт өткәллириниң һалсиритишидин қутулуп, техиму көп зеһнини бу мәсилини һәл қилишқа қаратқанлиқи» тәкитләнмәктә.

Бу, хитай һөкүмитиниң уйғур районида йеқинқи 2 йил ичидә елип барған 3‏-қетимлиқ һәрикитидур. Хитай һөкүмити 2017‏-йили уйғур районида қозғиған «икки йүзлимичиләр» гә қарши туруш һәрикитидә һөкүмәт, партийә, иҗтимаий вә кәспий саһәләрдики нурғун уйғур кадирлар, зиялийлар, диний затлар «икки йүзлимичилик» билән әйиблинип қама қ җазалириға һөкүм қилинған яки йиғивелиш лагерлириға қамалғаниди. Хитай һөкүмити йәнә «икки йүзлимичиләр» гә қарши туруш һәрикитиниң арқисидин йәнә «қара гуруһлар, рәзил күчләр» ни тазилаш һәрикити елип барған болуп, көзәткүчиләрниң ейтишичә, бу һәрикәттиму нурғун кадир, тиҗарәтчи, диний зат вә җәмийәт сәрхиллири җазалинишқа учриған. Хитай таратқулириниң илгири сүрүшичә, бу нөвәтлик «шәкилвазлиқ» вә «бюрократлиқ» қа қарши туруш һәрикити «компартийәниң шинҗаңни башқуруш һәққидики баш нишани әмәлийләштүрүштә үнүмдарлиқни қоғлашмиған, шәкилваз қилмишларни түгитишкә қаритилған» икән.

Пикирләр (0)
Share
Толуқ бәт