Xitay hökümiti 2019-yili Uyghur élidiki "Éshincha emgek küchliri" din 2 milyon 700 ming adem qétim yötkep ishqa orunlashturmaqchiken

Muxbirimiz irade
2019-01-10
Élxet
Pikir
Share
Print

"Xitay xewerler tori" ning xewiridin melum bolushiche, bu yil xitay hökümiti Uyghur élida atalmish "Éshincha emgek küchliri" ni yene 2 milyon 700 ming adem qétim Uyghur élining ichi we sirtidiki zawut-karxanilargha yötkep ishqa orunlashturmaqchiken. Yuqiriqilarning ichide ichkiri xitay ölkilirige yötkilidighan adem sani 25 ming neper bolup, ular jenubtiki xoten, qeshqer, aqsu we qizilsu qatarliq 3 wilayet 1 oblastni asas qilidiken.

Yéqindin buyan xelq'aradiki tenqidlerning artishigha egiship xitay hökümiti Uyghur élida yolgha qoyghan lagérlirini "Kespiy maharet bilen terbiyilesh orni" dep atashqa we bu orunlarda Uyghurlarning kesip öginiwatqanliqini teshwiq qilishqa bashlighan idi. 

Yuqiriqi bu xewerde "Da'iriler 2018-yili ichide Uyghur élida jem'iy 1 milyon 275 ming adem qétim kespiy jehettin terbiyilesh élip bardi, bu yil yene 1 milyon 100 ming adem qétim kespiy terbiyige orunlashturush pilan qilindi," déyilgen. 

Xitay hökümitining mana mushundaq herxil namlar astida Uyghurlarning nopus qatlimigha, milliy mewjutluqigha qiliwatqan éghir buzghunchiliqi xelq'araning küchlük tenqidige uchrimaqta.

Toluq bet