Хитай һөкүмити 2019-йили уйғур елидики «ешинча әмгәк күчлири» дин 2 милйон 700 миң адәм қетим йөткәп ишқа орунлаштурмақчикән

Мухбиримиз ирадә
2019-01-10
Елхәт
Пикир
Share
Принт

«Хитай хәвәрләр тори» ниң хәвиридин мәлум болушичә, бу йил хитай һөкүмити уйғур елида аталмиш «ешинча әмгәк күчлири» ни йәнә 2 милйон 700 миң адәм қетим уйғур елиниң ичи вә сиртидики завут-карханиларға йөткәп ишқа орунлаштурмақчикән. юқириқиларниң ичидә ичкири хитай өлкилиригә йөткилидиған адәм сани 25 миң нәпәр болуп, улар җәнубтики хотән, қәшқәр, ақсу вә қизилсу қатарлиқ 3 вилайәт 1 областни асас қилидикән.

Йеқиндин буян хәлқарадики тәнқидләрниң артишиға әгишип хитай һөкүмити уйғур елида йолға қойған лагерлирини «кәспий маһарәт билән тәрбийиләш орни» дәп аташқа вә бу орунларда уйғурларниң кәсип өгиниватқанлиқини тәшвиқ қилишқа башлиған иди. 

Юқириқи бу хәвәрдә «даириләр 2018-йили ичидә уйғур елида җәмий 1 милйон 275 миң адәм қетим кәспий җәһәттин тәрбийиләш елип барди, бу йил йәнә 1 милйон 100 миң адәм қетим кәспий тәрбийигә орунлаштуруш пилан қилинди,» дейилгән. 

Хитай һөкүмитиниң мана мушундақ һәрхил намлар астида уйғурларниң нопус қатлимиға, миллий мәвҗутлуқиға қиливатқан еғир бузғунчилиқи хәлқараниң күчлүк тәнқидигә учримақта.

Пикирләр (0)
Share
Толуқ бәт