Uyghur rayonida ötken yili muqim mülükke sélin'ghan meblegh zor derijide azayghan

Muxbirimiz erkin
2019-01-31
Élxet
Pikir
Share
Print

2018‏-Yili Uyghur rayonida muqim mülükke sélin'ghan meblegh zor derijide aziyip, xitaydiki eng nachar rayon'gha aylan'ghan.

Roytérs agéntliqining 30‏-yanwardiki xewiride tekitlishiche, Uyghur rayonining bu jehettiki ehwali "Xitaydiki iqtisadi iztirap chékiwatqan namrat ölkiler ichide alahide örnek hésablinidiken." xewerde xitayning kespiy terbiyelesh lagérlirida "Uyghurlardiki radikalliqni tügitiwatimiz" dep tekitlewatqanliqi, lékin keng kölemlik tutqunning soda we ishqa paydisiz ikenliki, rayonda mebleghning qattiq aqsighanliqini tekitligen.

Roytérs agéntliqining xitay merkizi bankisining sanliq melumatini neqil keltürüshiche, 2018‏-yilning 3‏-charikide Uyghur rayoni bilen chingxeyge krédit éqishi aldinqi yilning oxshash mezgilidin 70 hetta 80 pirsentke yéqin azayghan. Oxshash waqitta yene tibet we ichki mongghulghimu krédit éqishi azayghan. Xewerde yene hemmidin yamini ötken yili 9‏-aydiki bezi hésablash usullirida bu rayonlarning emeliy ehwalining buningdin éghir ikenliki otturigha qoyulghanliqi tekitlen'gen.

Xewerde bayan qilinishiche, Uyghur rayonida2017‏-yili lagér qurulushi ewj alghandin kéyin, 2018‏-yili muqim mülükke sélin'ghan meblegh her ayda azlap méngip, 2018‏-yili dékabirgha kelgende 25% ge chüshken. Bu ehwal Uyghur aptonom rayonini özining 2019‏-yilliq omumi ishlepchiqirish süritini tengsheshke mejburlighan. Da'iriler rayonning 2019‏-yilliq GDP sini, yeni omumiy ishlepchiqirish miqdarining ösüshini 7% din 5.5 Pirsentke chüshürgen.

Xewerde bayan qilishiche, Uyghur aptonom rayoni xitay ölke we rayonliri ichide 2019‏-yilliq GDP sini eng töwen élan qilghan rayon iken. Xewerde xitay hökümiti lagérlarda az sanliq milletlerge xitay tili we kesip ögitilidighanliqini ilgiri sürsimu, lékin buning ishqa éshishi gumanliq ikenlikini, xitay köchmenlirining rayon'gha kélip olturaqlishishqa righbetlendürülüshi siyasiy, soda, énérgiye we tebi'iy bayliqlarni échishni shularning kontrol qilidighanliqini körsitidighanliqi tekitlen'gen.

Toluq bet