Uyghur diyarida 90% tin köprek Uyghur hökümet xizmitige qobul qilinishta siyasiy tekshürüshtin ötelmeydiken

Muxbirimiz erkin
2020-05-11
Élxet
Pikir
Share
Print

Italiyediki "Zimistan" namliq tor zhurnili xewer bérip, Uyghur diyarida 90% tin köprek Uyghurning hökümet xizmitige qobul qilinishta siyasiy ötkeldin ötelmeydighanliqini bildürgen.

Mezkur tor zhurnili bu uchurni özining 9-may küni élan qilghan "Shinjang rayonidiki saqchilar: tekshürüsh ponkitliri, lagérlar we wehime" namliq xewiride ashkarilighan. Xewerde körsitilishiche, bu uchurni xitay ölkiliridin kélip "Shimali shinjang" da yardemchi saqchi bolup ishlewatqan bir xitay saqchi teminligen.

U nöwette 100 mingdin artuq qanun ijra qilghuchi xadimning ürümchige orunlashqanliqini bildürüp, mundaq dégen: "Shinjangning her qaysi jaylirida jama'et xewpsizlik organliridiki bosh qalghan nurghun orunlargha dawamliq adem qobul qiliniwatidu. Chünki Uyghurlarning 90% tin köpreki hökümet xizmitige qobul qilinishta siyasiy tekshürüshtin ötelmeydu. Shunga da'iriler xitayning bashqa jayliridin nurghun saqchi qobul qilip, shinjangda 'bixeterlikni qoghdash' qa ewetiwatidu." uning ashkarilishiche, rayondiki her bir saqchida bir "Eqliy iqtidarliq saqchi yanfoni" bolidiken.

Ular hökümetning sanliq uchur ambirigha kirip, rayondiki her qandaq kishining shexsiy uchurini tekshüreleydiken. Bu saqchi xadimi saqchilarning kochida kétiwatqan herqandaq kishini her qandaq waqitta soraq qilalaydighanliqi we tekshüreleydighanliqini bildürüp: "Men bir Uyghurning bir künde 34 qétim toxtitilghanliqini bilimen," dégen.

Uyghur kishilik hoquq qurulushining bildürüshiche, xitayning 2017-yili bashlan'ghan chong tutqunida nurghun Uyghurlar hakimiyet sistémisidin yiraqlashturulghan. Ular ya tazilap chiqirilghan yaki lagérlargha qamalghan we yaki késiwétilgen.

Toluq bet