Уйғур қиз-чоканлириниң туғмас қиливетилиши ғулғула қозғимақта

Мухбиримиз әзиз
2019-08-27
Елхәт
Пикир
Share
Принт

Хитай һөкүмитиниң уйғур қиз-чоканлирини сүний усулда туғмас қиливетиши һәққидики мәлуматларниң оттуриға чиқиши билән «етник қирғинчилиқ» ниң бир муһим түри дәп қаралған бу һадисә һәр саһәдикиләрниң зор диққитини қозғашқа башлиди. 25-Авғустта тәйвәндики «йеңи гүллиниш» торида елан қилинған бу һәқтики мақалида һазир бу һалниң барғансери еғирлаватқанлиқи нуқтилиқ муһакимә қилиниду.

Мақалида көрситилишичә, уйғур аяллириниң лагерларда теббий дорилар васитиси билән туғмас қиливетилидиғанлиқи бир қисим шаһитларниң баянлиридин мәлум болғандин буян, йәнә бир қисим уйғур мәһбусларниң мәҗбурий шәкилдики ички әза оғрилиқиниң қурбанлири болуватқанлиқи һәққидиму гәп-сөзләр тарқалған. Һалбуки, лагерлар һәққидики учурларниң қаттиқ қамал қилиниши сәвәблик лагерларниң ички қисмидики нурғун сирлар сир пети кетип қелиши еһтималға йеқин икән. Чүнки лагерларниң тақилиш әмәс, бәлки сан вә көләм җәһәттә ешип меңишқа йүзлиниши бу һалниң кәлгүсидин бешарәт бериватқан һадисиләр һесаблинидикән.

Мақалә апториниң баян қилишичә, лагердики уйғур қиз-чоканлириниң туғмас қиливетилиши йәнә бир яқтин хитай һөкүмитиниң миллий сиясәтлиридики бир йеңи бурулуш нуқтисиниң, йәни «етник тазилаш» долқуниниң инкаси икән. Йәнә бир яқтин хитай һөкүмитиниң «маддий ярдәм» арқилиқ хитай көчмәнлирини уйғур қизлириға өйлинишкә риғбәтләндүрүшиму арилашма қанлиқ уйғурларни көпәйтиш арқилиқ уйғур миллий кимликини аҗизлаштуруш урунуши икән.

Аптор ахирида «бу әһвални пакитлар билән дәлиллигили болса хитай һөкүмитиниң бу қилмишлириниң һәқиқий мәқсити ашкара болатти» дәйду.

Пикирләр (0)
Share
Толуқ бәт