Prézidént trampning "Uyghur kishilik hoquq siyasiti qanun lahiyesi" ni imzalishi xelq'arada küchlük inkas qozghidi

Muxbirimiz erkin
2020-06-18
Élxet
Pikir
Share
Print

Amérika prézidénti trampning 17-iyun küni "Uyghur kishilik hoquq siyasiti qanun layihesi" ni imzalishi xelq'ara taratqularning küchlük inkasini qozghidi.

Amérika simliq xewerler tori - CNN 17-iyun xewer bérip, bu qanun layihesining resmiy qanun'gha aylan'ghanliqi, uningda prézidéntning 180 kün ichide dölet mejlisige Uyghur rayonidiki musulmanlarni qiynighan, uzun mezgil qanunsiz tutup turghan yaki ularni xorlighan, shinjang xelqining "Yashash heqqi, erkinliki we bixeterlikini ochuq-ashkara ret qilghan" xitay emeldarliri yaki shexslerni tépip chiqip melum qilishi telep qilin'ghanliqini bildürgen.

Qatardiki "El-jezire" téléwiziye qanilining xewiride amérika dölet mejliside mutleq köp awaz bilen maqullan'ghan bu qanun xitaydiki az sanliq milletlerni basturushta jawabkarliqi bar emeldarlargha émbargo qoyup, xitaygha kishilik hoquq mesiliside küchlük signal bérilgenliki tekitlen'gen. "Blumbérg" gézitining xewiride bolsa prézidént trampning bu qanun'gha imza qoyushi uning üchün bir burulush nuqtisidin dérek béridighanliqi, chünki uning burun kishilik hoquq mesiliside xitaygha qarshi heriket qilishni xalimay kelgenliki ilgiri sürülgen.

Amérika CNBC qanilining xewiride "Uyghur qanuni" ning tunji qétim bir xitay siyasiy byuro ezasigha émbargo qoyudighanliqi, Uyghur aptonom rayonluq partkomning sékrétari chén chüen'goning qebih kishilik hoquq depsendichikige jawabkar dep qariliwatqanliqi tekitlen'gen. "Gérmaniye dolqunliri" ning xewiride prézidént trampning unigha imza qoyushi "Eslidinla keskinliship ketken amérika-xitay munasiwetliridiki yene bir zerbe" ikenliki ilgiri sürülgen. Xewerde yene "Bu qanun xitayning az sanliq milletlerge tutqan mu'amilisige qarshi qollan'ghan bashqa herqandaq bir döletningkidin küchlük heriket," déyilgen.

Toluq bet