Президент трампниң «уйғур кишилик һоқуқ сиясити қанун лаһийәси» ни имзалиши хәлқарада күчлүк инкас қозғиди

Мухбиримиз әркин
2020-06-18
Елхәт
Пикир
Share
Принт

Америка президенти трампниң 17-июн күни «уйғур кишилик һоқуқ сиясити қанун лайиһәси» ни имзалиши хәлқара таратқуларниң күчлүк инкасини қозғиди.

Америка симлиқ хәвәрләр тори - CNN 17-июн хәвәр берип, бу қанун лайиһәсиниң рәсмий қанунға айланғанлиқи, униңда президентниң 180 күн ичидә дөләт мәҗлисигә уйғур районидики мусулманларни қийниған, узун мәзгил қанунсиз тутуп турған яки уларни хорлиған, шинҗаң хәлқиниң «яшаш һәққи, әркинлики вә бихәтәрликини очуқ-ашкара рәт қилған» хитай әмәлдарлири яки шәхсләрни тепип чиқип мәлум қилиши тәләп қилинғанлиқини билдүргән.

Қатардики «әл-җәзирә» телевизийә қанилиниң хәвиридә америка дөләт мәҗлисидә мутләқ көп аваз билән мақулланған бу қанун хитайдики аз санлиқ милләтләрни бастурушта җавабкарлиқи бар әмәлдарларға ембарго қоюп, хитайға кишилик һоқуқ мәсилисидә күчлүк сигнал берилгәнлики тәкитләнгән. «Blumbérg» Гезитиниң хәвиридә болса президент трампниң бу қанунға имза қоюши униң үчүн бир бурулуш нуқтисидин дерәк беридиғанлиқи, чүнки униң бурун кишилик һоқуқ мәсилисидә хитайға қарши һәрикәт қилишни халимай кәлгәнлики илгири сүрүлгән.

Америка CNBC қанилиниң хәвиридә «уйғур қануни» ниң тунҗи қетим бир хитай сиясий бюро әзасиға ембарго қоюдиғанлиқи, уйғур аптоном районлуқ парткомниң секретари чен чүәнгониң қәбиһ кишилик һоқуқ дәпсәндичикигә җавабкар дәп қариливатқанлиқи тәкитләнгән. «Германийә долқунлири» ниң хәвиридә президент трампниң униға имза қоюши «әслидинла кәскинлишип кәткән америка-хитай мунасивәтлиридики йәнә бир зәрбә» икәнлики илгири сүрүлгән. Хәвәрдә йәнә «бу қанун хитайниң аз санлиқ милләтләргә тутқан муамилисигә қарши қолланған башқа һәрқандақ бир дөләтниңкидин күчлүк һәрикәт,» дейилгән.

Пикирләр (0)
Share
Толуқ бәт