Сәйфидин абдулла: «биз давамлиқ уйғурлар һәққидә сөз қилимиз!»

Мухбиримиз әзиз
2019-04-23
Елхәт
Пикир
Share
Принт

Хитай һөкүмитиниң җәнубий хитай деңизи тәвәсидики земин дәваси шәрқий җәнубий асиядики бир қисим дөләтләрни биарам қиливатқанда малайсия ташқи ишлар министири сәйфидин абдулла өзлириниң бу һәқтә сөз қилиштин башқа уйғурларниң зулумға учраш әһвали һәққидиму сөз қилидиғанлиқини билдүргән.

«Бүгүнки малайсия» гезитиниң 23-апрелдики хәвиридә ейтилишичә, сәйфидин «җәнубий хитай сәһәр гезити» ниң зияритини қобул қилғанда «биз әһвални чүшинимиз. Шундақла уйғурларниң әһвалини йеқиндин көзитиватимиз. Шундақла бейҗиңға бизниң бу мәсилигә әстайидил муамилә қиливатқанлиқимизни билдүрүп келиватимиз» дегән.

Мәлум болушичә, уйғурлар дуч келиватқан сиясий бастуруш һәрикәтлири ислам дунясиниң һесдашлиқи яки қоллишиға егә болалмиған әһвалда малайсия изчил уйғурлар һәққидә сөз қилип кәлгән иди. Әмма бу қетим сәйфидин өзлириниң кейинки қәдәмдә қандақ қилмақчи икәнлики һәққидә мәлумат бәрмигән.

Пикирләр (0)
Share
Толуқ бәт