Ürümchide alte chet'ellikke "Tengritagh mukapati" bérildi

Muxbirimiz eziz
2018-10-30
Élxet
Pikir
Share
Print

"Xitay xewerliri" torining 30-öktebirdiki xewiride éytilishiche, chet'ellik alte neper mutexessiske "Tengritagh mukapati" ni bérish murasimi 29-öktebirde ürümchi shehiride ötküzülgen.

Xewerdin melum bolushiche, bu alte mutexessis özbékistan, firansiye qatarliq ellerdin kelgen bolup, Uyghur aptonom rayonluq hökümet ulargha "Tengritagh mukapati" tarqitip bergen. Bu kishilerning "Shinjangdiki ijtima'iy muqimliq we uzun mezgillik eminlikni berpa qilishqa töhpe qoshqan" liqi bolsa alahide gewdilendürülgen.

Ötken yérim yil ichidila Uyghurlar diyaridiki zor köpchilik kishilerge tonushluq bolghan nechche onlighan Uyghur ziyaliyliri arqimu-arqidin tutqun qilin'ghan idi. Shular qatarida "Tengritagh alimi" namigha érishken doktor zulpiqar barat özbashmu lagérgha élip kétilgen idi. D u q ning bayanatchisi dilshat réshit bu heqte söz qilip "Bu xitay hökümitining bir qisim chet'ellik mutexessislerni mukapatlash arqiliq dunyagha 'biz ilim ehlini qedirlewatimiz' dep saxta uchur yollash oyuni. Ular shu arqiliq özlirining Uyghur ziyaliylirini basturushni aqlimaqchi" dédi. 

Bu mukapatlarning tarqitilishi Uyghurlarning xalmurat ghopur, tashpolat téyip, abduqadir jalalidin we bashqa nechche onlighan ataqliq proféssorliri we alimliri qamaq jazalirigha hem lagérlargha mehkum qilinip, xitay da'irilirining bu qilmishliri xelq'ara jem'iyet we Uyghurlarning eyiblishige uchrawatqan weziyetke toghra keldi.

Alaqidar melumatlarda körsitilishiche, "Tengritagh mukapati" 1999-yili tesis qilin'ghan bolup, yilda bir qétim tarqitilidiken. U mexsus Uyghurlar diyaridiki "Ijtima'iy tereqqiyat we iqtisadiy qurulushqa körünerlik töhpe qoshqan" chet'el mutexessislirige bérilidiken. Hazirghiche 98 kishi mushu mukapatni alghan iken.

Toluq bet