Türkiye hökümiti Uyghur diyarigha közetküchiler ömiki ewetmekchi

Muxbirimiz eziz
2019-07-30
Élxet
Pikir
Share
Print

Türkiye tashqi ishlar ministiri mewlut chawushoghli türkiye-xitay munasiwitide nazuk mesililerdin boluwatqan Uyghurlar mesiliside xitay terep bilen mexsus söhbette bolghandin kéyin özlirining yéqinda Uyghurlarning ehwalini tekshürüp kélishke mexsus bir wekiller ömiki ewetmekchi boluwatqanliqini bildürdi.

Roytérs agéntliqining 30-iyuldiki xewiride éytilishiche, xitay hökümiti Uyghurlarni lagérlargha qamash mesiliside xelq'araning küchlük tenqidige duch kéliwatqan pewqul'adde peytte türkiye hökümiti bu qararni élan qilghan.

Melum bolushiche, buningdin ilgirimu birnechche türküm chet'el diplomatliridin teshkil tapqan ékskursiye ömiki atalmish "Kespiy terbiyelesh mektipi" namidiki lagérlarni ziyaret qilghan hemde xitay hökümitining "Esebiylikke we térrorluqqa qarshi turush" tedbirlirini maxtighan idi. Emma shahitlar bu heqte toxtilip, bu xil ziyaretlerdiki "Kursantlar" ning aldin tallan'ghan we köp qétimlap meshiq qildurulghan, shundaqla heqiqetni éytip qoysa bekmu éghir jazagha uchraydighanliqi bilen tehdit qilin'ghan "Mehbus artislar" ikenlikini bildürgen idi. Shunga analizchilar bu heqte pikir qilip "Türkiye hökümiti ewetken wekillermu mushu xildiki saxta körünüshke aldinip qaytip kétishi mumkin," déyishti.

Toluq bet