Uyghur we tibet teshkilatliri xitay hökümitining tor hujumlirigha uchrimaqtiken

Muxbirimiz irade
2016-12-29
Élxet
Pikir
Share
Print

Intérnét hoquqini qoghdash xizmetliri bilen shughullinidighan "Xelq'ara éléktronluq chégra fondi" namliq teshkilat öz doklatida Uyghur we tibet teshkilatlirining xitay hökümitining tor hujumlirigha uchrawatqanliqini bildürdi.

Mezkur organning "2016-Yili ichidiki hökümetlerning xakkirliq hujumliri" mawzusida élan qilin'ghan doklatining xitaygha a'it qismida ilgiriki yillarda xitay hökümitining qollishi astida amérikining muhim dölet organliri we chong shirketlerning uchur sistémilirigha qaritilghan uchur we téxnika jasusluq hujumliri köplep yüz bergen bolsimu, emma bu yil ichide bu xildiki tor hujumlirining körünerlik azayghanliqi bayan qilin'ghan we buning amérika-xitay ikki dölet arisida imzalan'ghan alaqidar kélishimlerge munasiwetlik bolushi mumkinliki bildürülgen. Emma xitay, öz ichidiki az sanliq millet hésablinidighan Uyghurlar we tibetlerning chet'ellerdiki organlirigha qaritiwatqan tor hujumini eynen dawam qiliwatqanliqini eskertken.

Bundin ilgiri amérikidiki "Palo alto" namliq tor bixeterlik tetqiqat ornimu bayanat élan qilip, Uyghur, tibet teshkilatlirini közitidighan bir guruppa xitay tor hujumchilirini bayqighanliqini, ularning yéqinqi 4 yildin buyan heriket qilip, xitay hökümiti bilen ixtilapi bar az sanliq millet teshkilatlirini nahayiti etrapliq nazaret qilip kelgenlikini bildürgen. Dunya Uyghur qurultiyining tor béti we bir qisim Uyghur pa'aliyetchilerning tor bet we élxetliri köp qétim tor hujumi sewebidin buzghunchiliqqa uchrighan idi.

Toluq bet