Уйғур вә тибәт тәшкилатлири хитай һөкүмитиниң тор һуҗумлириға учримақтикән

Мухбиримиз ирадә
2016-12-29
Елхәт
Пикир
Share
Принт

Интернет һоқуқини қоғдаш хизмәтлири билән шуғуллинидиған «хәлқара електронлуқ чегра фонди» намлиқ тәшкилат өз доклатида уйғур вә тибәт тәшкилатлириниң хитай һөкүмитиниң тор һуҗумлириға учраватқанлиқини билдүрди.

Мәзкур органниң «2016-йили ичидики һөкүмәтләрниң хаккирлиқ һуҗумлири» мавзусида елан қилинған доклатиниң хитайға аит қисмида илгирики йилларда хитай һөкүмитиниң қоллиши астида америкиниң муһим дөләт органлири вә чоң ширкәтләрниң учур системилириға қаритилған учур вә техника җасуслуқ һуҗумлири көпләп йүз бәргән болсиму, әмма бу йил ичидә бу хилдики тор һуҗумлириниң көрүнәрлик азайғанлиқи баян қилинған вә буниң америка-хитай икки дөләт арисида имзаланған алақидар келишимләргә мунасивәтлик болуши мумкинлики билдүрүлгән. Әмма хитай, өз ичидики аз санлиқ милләт һесаблинидиған уйғурлар вә тибәтләрниң чәтәлләрдики органлириға қаритиватқан тор һуҗумини әйнән давам қиливатқанлиқини әскәрткән.

Бундин илгири америкидики «пало алто» намлиқ тор бихәтәрлик тәтқиқат орниму баянат елан қилип, уйғур, тибәт тәшкилатлирини көзитидиған бир гуруппа хитай тор һуҗумчилирини байқиғанлиқини, уларниң йеқинқи 4 йилдин буян һәрикәт қилип, хитай һөкүмити билән ихтилапи бар аз санлиқ милләт тәшкилатлирини наһайити әтраплиқ назарәт қилип кәлгәнликини билдүргән. Дуня уйғур қурултийиниң тор бети вә бир қисим уйғур паалийәтчиләрниң тор бәт вә елхәтлири көп қетим тор һуҗуми сәвәбидин бузғунчилиққа учриған иди.

Пикирләр (0)
Share
Толуқ бәт