Америка авам палата әзаси тибәт аптоном районини «айрим дөләт» дәп етирап қилидиған қанун лайиһисини тонуштурди

Мухбиримиз ирадә
2020-05-26
Елхәт
Пикир
Share
Принт

Америка авам палата әзаси скот перрий тибәт аптоном районини «айрим дөләт» дәп етирап қилидиған қанун лайиһәсини тонуштурди.

(H.R. 6948) Номурлуқ қанун лайиһәсидә «америка президентиға хитай хәлқ җумһурийитиниң тибәт аптоном районини айрим, мустәқил дөләт дәп етирап қилиш һоқуқи вә башқа мәқсәтләр үчүн һоқуқ бериду» дейилгән. Қанун лайиһәси 19-май күни авам палатасиниң ташқи ишлар комитетиға йолланған болуп, һазирчә бу қанун лайиһәсиниң толуқ мәзмуни техи ашкариланмиған.

Тибәт мәркизи хәвәрлириниң билдүрүшичә, авам палата әзаси скот перри америка дөләт мәҗлисидә тибәткә мунасивәтлик қарар вә қанунларниң мақуллинишида актип рол елип кәлгән шәхсләрниң бири икән.

Хитайниң интайин сәзгүр мәсилилиридин болған тибәт мустәқиллиқиға аит қанун лайиһәсиниң тонуштурулуши күчлүк диққәт қозғимақта. У, америка-хитай арисидики зиддийәтләр сода мәсилилири, таҗсиман вирус вә нөвәттә хоңкоңдики вәзийәт түпәйли қаттиқ начарлашқан пәйттә тонуштурулди.

Пикирләр (0)
Share
Толуқ бәт