Тайланд даирилири ачлиқ елан қилған уйғурларни йирақ лагериға йөткигән

Мухбиримиз меһрибан
2016-06-07
Елхәт
Пикир
Share
Принт

Тайланд даирилириниң ачлиқ елан қиливатқан уйғур тутқунларни баңкоктики лагердин чәт яқидики лагерларға йөткигәнлики мәлум болди.

31-Май тайландта тутуп турулуватқан уйғурлар радийомиз арқилиқ елан қилған мураҗиәтнамисидә дуня җамаәтчилики вә тайланд даирилириниң диққитини тартиш үчүн ачлиқ елан қилғанлиқни җакарлиған иди.

5-Июн бизгә бу һәқтә йәткүзүлгән мәлуматларда баңкоктики тутуп туруш орнидила ачлиқ елан қилған уйғурлар саниниң дәсләпки 13 нәпәрдин 31 нәпәргә йәткәнлики билдүрүлгән.

7-Июн фейсбокта тарқалған учурларда, тайланд даирилириниң бу уйғурларниң сиртқи дуня вә мухбирлар билән болған алақисини үзүп ташлаш мәқситидә улардин аз дегәндә 29 кишини камбоджа чеграсиға йеқин җайдики башқа бир лагерға йөткигәнлики илгири сүрүлмәктә.

Тайланд даирилири бултур июлда 2014-йилидин башлап мәзкур дөләттә тутуп турулуватқан 400 гә йеқин уйғурдин 109 нәпирини хитайға мәҗбурий қайтуруп қаттиқ әйибләшкә учриған. Кейин йәнә 60 қа йеқин уйғурниң тайландта қелип қалғанлиқи билдүрүлгән.

Лекин, мәзкур уйғурлар өткән һәптә радийомизға йоллиған мураҗиәтнамисидә мәзкур хәтниң тайландта тутуп турулуватқан «70 тин артуқ уйғурниң ортақ авази» икәнликини көрсәткән иди.

Пикирләр (0)
Share
Толуқ бәт