Xitay da'iriliri Uyghur tarixini qayta sherhilimekte

Muxbirimiz erkin
2019-05-20
Élxet
Pikir
Share
Print

Xitay da'iriliri "Xelq'ara muzéy küni" munasiwiti bilen Uyghur rayonida medeniyette yadikarliqlar körgezmisi ötküzüp, Uyghur tarixini qayta sherhileshke kirishken.

Xitay taratqulirining xewer qilishiche, bu pa'aliyet Uyghur aptonom rayonluq muzéyning sahibxaniliqida ötküzülgen bolup, uninggha Uyghur rayonidin tépilghan 1000 parche medeniy yadikarliq qoyulghan. Bu heqtiki xewerlerde, bu medeniy yadikarliqlar arqiliq kishilerning "Jungxu'a medeniyiti tonushining östürülgenliki" tekitlen'gen. Bu yadikarliqlar aptonom rayonluq muzéyning yéngi échilghan "Tarixiy medeniy yadikarliqlar körgezmisi" ge qoyulghan.

Xitay hökümiti 2017‏-yili 2‏-aydin bashlap Uyghurlarni keng kölemlik tutqun qilip lagérlargha qamashtin sirt, Uyghur medeniyiti, tili, diniy étiqadini men'i qilip, Uyghurlargha tewe bolghan maddiy we meniwi miraslarni birdek chekligen, Uyghur tarixigha a'it nurghun roman, tarixi kitablarni men'i qilghan idi. Aptonom rayonluq partkomning 2017‏-yili échilghan bir qétimliq arxé'ologiye yighinida chén chü'en'go, "Arxé'ologiye shinjangning ezeldin tartip xitay zémini ikenlikini algha sürüshke xizmet qilishi kérek" likini tekitligen idi.

"Shinjang géziti" ning xewer qilishiche, bu qétimqi körgezmige toqulma buyumlar, qeghez parchisi, xurum, sapal qacha, chalghu eswabliri qatarliq buyumlar qoyulghan. Uning ichide 2018‏-yili xitaydiki 10 chong arxé'ologiyelik bayqashning biri, dep qaralghan jimineydin tépilghan qedimi iz, kuchadiki qedimi qebridin bayqalghan buyumlar bariken. Közetküchilerning ilgiri sürüshiche, bu körgezme nöwette xitay hökümiti Uyghur rayonida ijra qiliwatqan Uyghur medeniyitini weyran qilip, ularning milliy kimlikini ajizlitish, ularda omumyüzlük xitay medeniyiti éngini shekillendürüsh herikitining bir qismi iken.

Toluq bet