Тарим вадисидики су қурулушини зор күч билән ашуруш қурулуши гуман қозғимақта

Мухбиримиз әзиз
2019-07-09
Елхәт
Пикир
Share
Принт

Хитай башқурушидики шинхуа агентлиқиниң 8-июлдики хәвиридә ейтилишичә, хитай мәркизий һөкүмити 2019-йилиға қарита қәшқәрдин йәкәнгичә болған арилиқта ғайәт зор көләмдики су иншаати қурулушини башлаш алдида икән.

Хәвәрдә тарим вадисиниң изчил «қурғақ район» дәп нами барлиқи алаһидә гәвдиләндүрүлгән болуп, бу қурулуш тамамланса бу җайдики су йетишмәслик мәсилиси зор дәриҗидә һәл болидиғанлиқи ейтилиду. Шуниңдәк буниңға мисал қатарида 11 милярд сом мәбләғ селинидиған араташ су иншаати пүтсә, буниң пүткүл йәкән дәряси вадисиға баравәр көләмдики җайни суғиришқа йетәрлик су билән тәмин етәләйдиғанлиқи ейтилған. 

Өткән йилларда хитай һөкүмитиниң ичкиридин уйғурлар дияриға йүз милйонлап нопус көчүрүш пиланини әмәлгә ашуруш үчүн ярлузаңбу дәрясиниң сүйини башлап кәлмәкчи болуватқанлиқи, шуниңдәк пат йеқинда үрүмчи шәһириниң нопусини он милйонға йәткүзмәкчи болуши һәққидә түрлүк хәвәрләр оттуриға чиққаниди. Анализчилар бу һәқтә пикир қилип: «бу һал хитай һөкүмитиниң уйғурларға қиливатқан ғәмхорлуқи әмәс, әксичә уларниң зор сандики нопус көчүрүш пиланиниң муһим тәйярлиқ басқучи» дәп көрсәтти.

Пикирләр (0)
Share
Толуқ бәт