Сингапор хитай нәсиллик бир америка пуқрасиниң сингапорға қайта киришини чәклигән

Мухбиримиз җүмә
2017-08-05
Елхәт
Пикир
Share
Принт

Сингапор һөкүмити сингапордики нопузлуқ тәтқиқат орнида хизмәт қиливатқан хитай нәсиллик бир америка пуқрасиниң чәтәл җасуси икәнликини илгири суруп, униң сингапорға қайта киришини чәклигән.

Америка бирләшмә агентлиқиниң хәвәр қилишичә, сингапор ички ишлар министирлиқи җүмә күни елан қилған уқтурушида, америка пуқралиқидики хваң җиң исимлик бу тәтқиқатчиниң мәлум бир дөләтниң җасуслуқ органлири вә җасуслири билән һәмкарлашқанлиқи көрсәткән. 

Әмма уларни, униң қайси дөләтниң җасуслуқ органлири билән ишлигәнликини шәрһлимигән. 

Хәвәргә қариғанда, хваң җиң сингапордики нопузлуқ лигуаңяв аммиви сиясәтләр институтиниң тәтқиқатчиси болуп, у өзиниң нопузидин пайдилинип тәтқиқат орнида юқирида көрситилгән намәлум дөләтни яқилайдиған пикирләрни илгири сүрүшкә башлиған икән. 

Министирлиқ уқтурушида хваң җиң вә униң аяли яң шюпиңниң сингапорда мәңгүлүк туруш имтиязиниң бикар қилинип, уларниң сингапорға қайта кириши чәкләнгәнликини билдүргән. 

Хәвәрдә көрситишичә, хоңкоңдин чиқидиған «җәнубий хитай сәһәр гезити» өз хәвиридә хваң билән юқириқи қарар тоғрисида сөһбәтләшкәнликини, әмма униң өзи һәққидики баянатта дейилгәнләрниң һәммиси инкар қилғанлиқини билдүргән. 

Хәвәрдә нәқил елишичә хваң мундақ дегән: «мени бир ‹ят әлниң тәсир пайда қилиш җасуси' дәп бекитиш толиму бимәнилик. Әгәр шундақ икән, улар немишқа униң америкиму яки хитайму-қайси дөләт икәнликини демәйду?»

У йәнә өзиниң адвокати вә америкиниң сингапорда турушлуқ әлчиханиси арқилиқ ярдәм истәйдиғанлиқини қошумчә қилған. 

Хәвәрдә «җәнубий хитай сәһәр гезити» дин нәқил елип көрситишичә, хваң җиң өзиниң бейҗиң һөкүмитини яқлайдиған мақалилирини хитайниң ичи вә сиртидики мәтбуатларда елан қилиш билән тонулған тәтқиқатчи икән. 

Хәвәргә қариғанда, сингапор һөкүмити бу һәқтики баянатида хваң җиңниң сингапордики даңлиқ вә тәсири зор затлар билән қоюқ арилишип, уларға юқирида тилған елинған намәлум дөләт һәққидики «алаһидә нопузға игә мәлуматлар» ни йәткүзгән вә уларниң шу намәлум дөләт һәққидики мәйданини өзгәртишкә тиришқан. 

Хваң җиңниң лигуаңяв аммиви сиясәтләр институтиниң юқири дәриҗилик хадимлириға сингапорниң ташқи сияситигә тәсир көрситиш қәсти билән бәргән учурлири сингапор һөкүмитидики нопузлуқ әрбабларға йәткүзүлгән икән. 

Әмма, баянатта бу аталмиш «алаһидә нопузға игә мәлуматлар» ниң қандақ мәлуматлар икәнлики һечқандақ шәрһләнмигән.

Пикирләр (0)
Share
Толуқ бәт