Шөһрәт мутәллип 2013‏-йили дунядики 10 чоң алимниң бири болуп баһаланди

Мухбиримиз әркин
2013-12-20
Елхәт
Пикир
Share
Принт

Америка «тәбиәт» журнилиниң 19‏‏-декабир елан қилинған санида америка оригон штати дөләтлик приматлар (маймун түридикиләр) тәтқиқат мәркизи ғол һүҗәйрә тәтқиқат орниниң мудири вә тәтқиқатчиси алим шөһрәт мутәллипни 2013‏-йили дунядики зор илим-пән йеңилиқи яратқан 10 чоң алимниң бири, дәп баһалиди.

Буниңдин аввал америка «дәвр» журнили шөһрәт мутәллипниң тәтқиқат нәтиҗисини «медитсинадики 2013‏-йиллиқ 10 зор бөсүшниң бири» дәп елан қилған.

Доктор шөһрәт мутәллип дуняда тунҗи болуп инсан терә һүҗәйрисини «тән һүҗәйрә ядросини көчүрүш» техникиси билән төрәлмә ғол һүҗәйригә айландурған.

Мәлум болушичә, бу байқаш инсанлардики паркинсон кесәллики, йүрәк кесили, жулун зәхмиси қатарлиқ кесәлликләрни давалашта үмид туғулғанлиқидин дерәк беридикән.

Шөһрәт мутәллип, 2007‏-йили клонлаш усули арқилиқ маймун ғол һүҗәйрисини һасил қилған.

У, бу йил 5‏-айда инсан ғол һүҗәйрә тәтқиқатида бөсүш характерлик нәтиҗигә еришкәнликини елан қилип, инсан тирә һүҗәйрисидин мувәппәқийәтлик инсан ғол һүҗәйрисигә еришкәнликини елан қилған.

Униң бу нәтиҗиси дуняда зор ғулғула қозғиған иди.

Пикирләр (0)
Share
Толуқ бәт