Уйғур алими шөһрәт мутәллиповниң ген өзгәртиш тәтқиқати ғулғула қозғиди

Мухбиримиз әзиз
2017-10-16
Елхәт
Пикир
Share
Принт

Уйғур алими шөһрәт мутәллиповниң инсан төрәлмисиниң ген (DNA) тәркибини өзгәртиш һәққидики тәтқиқат нәтиҗиси елан қилинғандин кейин, америкилиқларниң өз генлирини өзгәртиш арқилиқ бәзи ирсий кесәлликләрниң кейинки әвладларға тарқилишидин сақлиниш арзусиға йеңи үмид туғулғанлиқи мәлум.

Америкидики әң чоң гезит болған «вал-стрет журнили» гезитиниң 12-өктәбирдики санида елан қилинған мақалидин мәлум болушичә, шөһрәт мутәллипов башчилиқидики тәтқиқат гурупписи инсан төрәлмисидики йүрәк иқтидари билән мунасивәтлик болған нормалсиз ген тәркибини тоғрилаш арқилиқ һәр хил йүрәк кесәллири сәвәбидин туюқсиз өлүп кетиш һадисисиниң алдини елишқа болидиғанлиқини оттуриға қойған. Мақалида көрситилишичә, тәтқиқат җәрянида өзгәртилгән ген әгәр бир аялниң балаятқусиға көчүрүлсә униң бир сағлам боваққа айлиниш еһтималлиқи зор, дәп қаралмақта икән.

Мәлум болушичә, нөвәттә американиң мунасивәтлик қанунлири бу хил тәтқиқатниң әмәлий давалашқа қоллинилишини чәкләп турмақтикән. Әмма хәлқ райини синашта америкилиқларниң үчтин икки қисми «бу тәтқиқат әмәлийәткә тәтбиқлансикән дегәнни арзу қилимиз,» дегән.

Пикирләр (0)
Share
Толуқ бәт