Америка президенти доналд трамп билән шималий корейә дөләт рәһбири ким җуңунниң тарихи учришиши реаллиққа айланди

Мухбиримиз ирадә
2018-06-12
Елхәт
Пикир
Share
Принт

Америка президенти доналд трамп билән шималий корейә дөләт рәһбири ким җуңунниң тарихи учришиши 12-июн сәйшәнбә күни сингапорда өткүзүлди. Ройтерс агентлиқиниң хәвиригә қариғанда, шималий корейәни ядросизландуруш мәсилисидә етилған тунҗи бир қәдәм болуп һесаблинидиған бу тарихи учришиш ахирида икки дөләт рәһбири ортақ бир баянатқа имза қойған.

Ортақ баянатта, америка президенти трампниң шималий корейәниң бихәтәрликини капаләт билән тәминләйдиғанлиқи вә шималий корейә рәһбири ким җуңун билән бу дөләтни ядросизландуруш басқучида йеқиндин һәмкарлишидиғанлиқи, икки дөләтниң өз-ара мунасивәтлирини тәрәққий қилдуруш, шималий корейә һәм шундақла дуняниң тинчлиқи вә бихәтәрлики үчүн һәмкарлишидиғанлиқидәк мәзмунлар йәр алған.

Гәрчә, юқиридики ортақ баянат символ характерлик болсиму, әмма президент трамп учришиштин кейин мухбирларға қилған сөзидә өзиниң шималий корейәни «ядросизландуруш тиришчанлиқлирини наһайити қисқа муддәт ичидә башлайду», дәп қарайдиғанлиқини билдүргән. У шундақла йәнә икки тәрәпниң ортақ баянатта ашкариланмиған бир қисим мәсилиләрдә пикир бирлики һасил қилғанлиқини билдүргән.

Шималий корейә рәһбири ким җуңон болса сөзидә «икки дөләт өтмүшни унтуп келәчәккә йүзлинишкә қарар қилдуқ, дуня йеқинда зор бир өзгиришни көриду» дегән.

Символ характерлик бу учришишниң кейинки тәрәққияти көзәткүчиләрниң қаришичә, шималий корейәниң ядросизлишиш мәсилисидики сәмимийитигә бағлиқ икән.

Пикирләр (0)
Share
Толуқ бәт