Prézidént tramp shimaliy koréye bashliqlar söhbitige ümidwar qaraydighanliqini bildürdi

Muxbirimiz erkin
2018-06-11
Élxet
Pikir
Share
Print

Amérika prézidénti tramp bilen shimaliy koréye rehbiri kim jungunning tarixiy uchrishishigha azla waqit qaldi. Her ikki dölet rehbiri yekshenbe küni sin'gaporgha yétip kelgen.

Amérika prézidénti tramp düshenbe küni sin'gapor bash ministiri bilen körüshkende söhbetning "Nahayiti yaxshi ötüshi" ge ümidwar qaraydighanliqini bildürgen. Eger tramp bilen kimning 12‏-iyundiki uchrishishi ongushluq ötse, bu nahayiti zor tarixiy weqe bolup qalidu.

Prézidént tramp düshenbe küni sin'gapor bash ministiri li shawlong bilen körüshkende "Bizning etiki uchrishishimiz nahayiti qiziqarliq bolidu. Hemme ishning ongushluq bolushigha ishenchim bar" dégen.

U yene sin'gaporning özlirini qizghin, qa'idilik we dostane kütüwalghanliqini bildürüp rehmet éytqan. Lékin roytérsning xewer qilishiche, prézidént tramp söhbetke ümidwar qaraydighanliqini bildürgen bolsimu, emma amérika dölet ishlar ministiri mayk ponpé'o söhbetning yenila kim jungunning koréye yérim arilini yadrosizlashturushta semimiy yaki emeslikige baghliq ikenlikini tekitligen.

Ponpé'o düshenbe küni muxbirlargha qilghan sözide, sin'gapordiki bu uchrishish: "Bizning munasiwetlirimizning yölinishini özgertishimiz, (shimaliy koréye) ning tinchliqi we güllinishini mislisiz purset bilen teminleydu" dégen. Lékin u bu uchrishish bilen mesile hel bolmaydighanliqini, bashliqlar uchrishishining bir ramka turghuzup, shuninggha emel qilinishi lazimliqini, shimaliy koréyening yadrosizlashturushta tel-töküüs, ishenchlik we yéniwalmaydighan bir yolgha qarap méngishi kéreklikini tekitligen.

Pompé'o, bu emelge ashqiche shimaliy koréyege qaritilghan émbargoning qaldurulmaydighanliqini eskertip, "Diplomatiye ishqa yarimisa. . . . Imbargoni kücheytimiz" dégen. "Washin'gton pochta géziti" ning xewiride ashkarilishiche, prézidént tramp yekshenbe küni eger bashliqlar uchrishishi netijilik bolmisa derhal qaytidighanliqini, eger netijilik bolsa kim jung'unni aq saraygha teklip qilishi mumkinlikini bildürgen.

Toluq bet