Prézidént tramp kim jung'un bilen körishish pilanining özgermigenlikini bildürdi

Muxbirimiz erkin
2018-05-28
Élxet
Pikir
Share
Print

Amérika prézidénti tramp shenbe küni aqsarayda muxbirlargha bayanat élan qilip, shimaliy koréye rehbiri kim jung'un bilen körishish pilanining özgermigenlikini bildürdi.

Prézidént tramp ötken hepte kim jung'un bilen bu yil 12‏-iyun küni sin'gaporda körishish pilanining bikar qilin'ghanliqini jakarlighan. U shimaliy koréye amérikigha nepret bilen qarawatqan ehwalda "Ikki terep uchrishishini toghra dep qarimaydighanliqi" ni bildürgen idi.

Lékin 26‏-may küni jenubiy koréye prézidénti mun ji'én bilen bilen shimaliy koréye rehbiri kim jung'un panmunjumda 2‏-qétim tuyuqsiz uchrashqan. Prézidént mun ji'én uchrishishtin kéyin axbarat élan qilip, kim jung'unning koréye yérim arilini yadrosizlashturush wediside yenila ching türidighanliqini bildürgen. Prézidént tramp mun ji'énning yuqiriqi sözliridin kéyin kim jung'un bilen körishish pilanining özgermigenlikini bildürgen. Mun ji'én muxbirlargha qilghan sözide "Kim jung'un üchün éniq bolmighan nuqta uning yadrosizlashturush iradisi emes, belki shimaliy koréye yadrosizlashturulghandin kéyin amérika ilgiriki düshmenlik pozitsiyesige xatime béremdu-yoq, uning shexsiy bixeterlikige kapaletlik qilamdu-yoq, dégen nuqtidur," dégen.

Roytérz agéntliqining xewer qilishiche, aqsarayning bir xizmet guruppisi tramp bilen kim jung'unning uchrishishigha teyyarliq qilish üchün sin'gaporgha qarap yolgha chiqqan. Aqsarayning bayanachisi sarah sandérs 26‏-may shenbe küni prézidént trampning shimaliy koréye söhbitining bir "Siyasiy bézek" ke aylinip qélishini xalmaydighanliqi, uning emeliy we uzun muddetlik bir netijige érishishni ümid qilidighanliqini bildürgen.

Toluq bet