Уйғур рәһбири рабийә қадир ханим қатарниң 37 дөләт тизимликидин чекингәнликигә миннәтдарлиқ билдүрди

Мухбиримиз әркин
2019-08-23
Елхәт
Пикир
Share
Принт

Уйғур рәһбири, хәлқара кишилик һоқуқ вә демократийә фондиниң қурғучиси рабийә қадир ханим 22‏-авғуст баянат елан қилип, қатарниң уйғур мәсилисидә хитайни қоллиған 37 дөләт тизимликидин чекингәнликигә миннәтдарлиқ билдүрди. Баянатта қәйт қилинишичә, «қатарниң 37 дөләт тизимликидин чекиниши ялғуз лагерлар мәсилисидә уйғурларға һесдашлиқ билдүрүш болупла қалмай, әң муһими қатарниң дөләт образини қоғдайдикән».

Йеқинда ғәрбтики 22 дөләт б д т кишилик һоқуқ кеңишигә ортақ мәктуп йоллап, хитайниң уйғур районидики йиғивелиш лагерлирини дәрһал тақишини, лагердики тутқунларни қоюп беришини тәләп қилған. Арқидинла сәуди әрәбистан, мисир, пакистан, сүрийә, судан, таҗикистан, қатарлиқ мусулман дөләтлирини өз ичигә алған 37 дөләт ортақ мәктуп йоллап, хитайниң уйғур районидики сияситини қоллайдиғанлиқини билдүргән. Хитай һөкүмити 2 милйондәк уйғур, қазақ қатарлиқ мусулманларни йиғивелиш лагерлириға қамап, уларниң диний етиқади, тили, мәдәнийитини омумйүзлүк чәкләватқан бир вақитта, бу 37 дөләтниң хитайни қоллиши хәлқарада ғулғула қозғиған. Бу дөләтләр кишилик һоқуқ тәшкилатлириниң қаттиқ әйиблишигә учриғаниди.

Рабийә қадир ханим баянатта, қатарниң бу қарарини тәбрикләйдиғанлиқи, қатар әмири тамим һамад әлтаниға миннәтдарлиқ билдүридиғанлиқини тәкитләп, қалған «36 дөләт әрбаблирини; болупму ислам дөләтлири рәһбәрлирини мушу саәтләрдә лагерларда қамилип ятқан, лагерниң җаза тәдбирлири нәтиҗисидә һали хараблашқан 3 милйон инсанниң сеймасини көз алдиға кәлтүрүшкә вә лагерлар мәсилисидә өз виҗданлириға бир соал қоюп беқишқа дәвәт қилған».

Уйғур аптоном райони рәһбәрлири йеқинда лагерлардики 90 % тутқунниң қоюп берилгәнликини елан қилған. Әмма уларниң бу сөзиниң растлиқи гуман қозғиғаниди.

Пикирләр (0)
Share
Толуқ бәт