Қирғизистанда президент сайлими өткүзүлди

Мухбиримиз үмидвар
2017-10-15
Елхәт
Пикир
Share
Принт

Йәкшәнбә күни оттура асиядики қирғизистан җумһурийитидә президент сайлими өткүзүлди. Тәхминән үч милйондин артуқ адәм сайламда беләт ташлиши керәк болуп, қирғизистан сайлам комитети йәкшәнбә күни кечә саәт 17 ғичә 41% тин артуқ адәмниң беләт ташлап болғанлиқини елан қилған. Бу нөвәт һәр хил партийә-гуруһлардин 12 киши президент намзати болуп, сайламға чүшкән болуп, буларниң ичидә соронбай җейенбекоф билән өмүрбек бабанофниң асасий риқабәтчигә айлинидиғанлиқи җәзимләштүрүлмәктә. Әмма кәчрәк елан қилған дәсләпки сайлам нәтиҗилиридә соронбай җейенбекофниң көп беләткә еришип үстүнлүк қазанғанлиқи елан қилинди.

Б б с агентлиқиниң хәвәр қилишичә, бу, тунҗи қетим қирғизистанда һакимийәт тинч йол билән башқиларға өткүзүп берилиши болуп, мәзкур сайлам көплигән хәлқаралиқ көзәткүчиләрниң диққитини тартқан вә бир қисим хәлқара тәшкилатлар сайлам җәрянини назарәт қилишқа қатнашқан.

Қирғизистанниң «24.К г» агентлиқиниң хәвәр қилишичә, хәлқаралиқ тәшкилатлардин 700 дин артуқ киши сайламни назарәт қилған болуп, һәтта буларниң ичидә шаңхәй һәмкарлиқ тәшкилати, мустәқил дөләтләр һәмдостлуқи қатарлиқларниң хадимлириму бар икән. Қирғизистан һөкүмити йәнә сайлам җәряниниң тинч вә бихәтәр болуши үчүн 10 миңдин артуқ сақчи вә 12 миң әтрапида өзлүкидин уюшқан тәртип сақлиғучиларни ишқа салған.

Қирғизистанниң мустәқиллиқ тарихида әсқәр ақайеф, қурманбек бақийеф қатарлиқ президентлар хәлқ исянлири арқилиқ һоқуқтин вә дөләттин һәйдиветилгән иди. 

Игилишимизчә, бу қетим қирғизистандики асаси милләт қирғизлардин башқа йәнә өзбек, уйғур, туңган вә башқа милләтләрму сайламға актип қатнашқан. Бишкәк шәһири вә униң әтрапида яшайдиған уйғурларму өзлири халиған намзатларға актип беләт ташлашқа қатнашқан.

Пикирләр (0)
Share
Толуқ бәт