Путин : қирим өз өйигә қайтип кәлди

Мухбиримиз үмидвар
2014-12-31
Елхәт
Пикир
Share
Принт


Русийә президенти путин«қиримниң русийә тәркипигә қайтип келиши русийә тарихиниң муһим дәври» дәп көрсәтти. Бу сөзини владимир путин 31 - декабир күни пүтүн русийә хәлқиниң йеңи йилини тәбрикләп, сөзлигән телевизийә нуқтида ейтқан.

Б б с агентлиқиниң хәвәр қилишичә, путин келәр йилидики мәмликәт алдида һәл қилишқа тегишлик вәзипиләрниң үнүмлүк ишқа ашурулуши, һәр бир пуқраниң өзигә бағлиқ икәнликини әскәртти.

Путин қиримниң 2014 - йили 3 - айда русийә тәрипидин қошувелинишини, өзиниң 2015 - йиллиқ йеңи йиллиқ мураҗәт нутуқиниң муһим нуқтиси сүпитидә тәкитлигән болуп, у йәнә «қиримниң русийә тәвәсигә қошулуши»ни «өз өйигә қайтип кәлгәнлик» дәп атап, « вәтән муһәббити әң юқири туйғудур, бу, севастопол вә қиримниң өз өйигә қайтип келишини қарар қилғанда қериндашларчә қоллаш арқилиқ толуқ ипадә қилинди» дегән.

Әмма, қиримниң әсли аһалиси болған қирим татарлири русийәниң қиримни қошувелишиға изчил наразилиқ билдүргән шуниңдәк украина һөкүмити вә ғәрб дөләтлириму бу қилмишни әйиблигән иди.

Йеңи йил мунасивити билән украина рәһбәрлириму нутуқ сөзләп, 2015 - йилиниң украина үчүн йеңи башлиниш болидиғанлиқини, 2014 - йилиниң уларниң мустәқиллиқ, әркинлик, яшаш һоқуқлири үчүн күрәш қилған йил болғанлиқини қәйт қилишқан.

Пикирләр (0)
Share
Толуқ бәт