Қирғизистан өктичилири йиғилиш өткүзүп өз рәһбирини қоюп беришни тәләп қилди

Мухбиримиз үмидвар
2017-02-26
Елхәт
Пикир
Share
Принт


Йәкшәнбә күни қирғизистан җумһурийитиниң пайтәхти бишкәк шәһәр мәркизидә өктичиләр наразилиқ йиғилиши өткүзүп, өзлириниң тутқун қилинған рәһбири өмүрбек текебайевни қоюп беришни тәләп қилди.

Пәрғанә учур ториниң хәвиридин мәлум болушичә, «ата-макан» партийәсиниң тәшкиллиши билән өткүзүлгән йиғилишқа қатнашқан миңға йеқин өктичи һөкүмәттин қирғизистан парламент әзаси вә ата макан партийисиниң рәһбири өмүрбек текебайевни дәрһал қоюп беришни тәләп қилған. Һәтта мәзкур йиғилишқа сабиқ қирғизистан президенти роза отунбайеваму қатнашқан.

Азадлиқ радиосиниң хәвәр қилишичә, өмүрбек текебайев 25-феврал күни тутуп кетилгән болуп, қирғизистан баш тәптиш мәһкимиси униңға парихорлуқ вә алдамчилиқ қилмиши артқан.

Тәһлил қилинишичә, өмүрбек текебайев һәпсигә елинса, униң йеқинда өткүзүлидиған президент сайлимида өз намзитини көрситишитн мәһрум болуши мумкин икән.

58 яшлиқ текебайев, президент алмасбек атамбайевниң йеқин сәпдиши иди. Бирақ, атамбайев президентлиққа сайланғандин кейин, атақлиқ өктичи рәһбәрлириниң биргә айланған.

Мәлумки, 1991-йили,қирғизистан мустәқил болғандин кейин икки қетим кәң көләмлик өктичиләр намайиши йүз берип, икки қетим президент ағдурулуп, башқа мәмликәткә қечип кетишкә мәҗбур болған иди.

Толуқ бәт