Qirghizistandiki Uyghur tijaretchining pulini aldap éliwélish bilen eyiblen'gen qirghiz pa'aliyetchining yoldishi almuta ayrodromida tutqun qilin'ghan

Muxbirimiz erkin
2019-12-27
Élxet
Pikir
Share
Print

Qirghizistandiki bir Uyghur tijaretchining 350 ming dollar pulini aldap éliwélish bilen eyiblen'gen qirghiz pa'aliyetchining yoldishi surghaq kenjibayéf almuta xelq'ara ayrodromida tutqun qilinip, qirghizistan'gha élip kélin'gen.

Qirghizistanda soda qiliwatqan Uyghur diyariliq tijaretchi mutellip memtimin surghaq kenjibayéfning 350 ming dollar pulini aldap éliwatqanliqini ilgiri sürgen we qirghizistan edliye tarmaqlirigha erz qilghan idi. "Azadliq" radiyosining xewer qilishiche, sürghaq kenjibayéf yéqinda almuta xelq'ara ayrodromida tutqun qilinip, qirghizistan'gha qayturup kélin'gen.
Qirghizistan dölet xewpsizliki komitétining 20‏-dékabir küni "Azadliq" radiyosigha bergen uchuridanöwette kenjibayéfning dölet xewpsizliki komitétining bishkektiki qamaqxanisida tutup turuliwatqanliqini bildürgen. Lékin surghaq kenjibayéf ataqliq qirghiz yazghuchisi chingghiz aytmatofning qizi, sabiq qirghizistan parlamént ezasi shérin aytmatowaning yoldishi bolup, shérin aytmatowa öz nöwitide yene qirghizistandiki "Ümid‏-2020‏" namliq chériklikke qarshi turush teshkilatining qurghuchisi iken. Mezkur teshkilat erkin semetning istanbulda öltürülüshi shundaqla 700 milyon dollarning chet'el bankilirigha yötkilishini pash qilishtawe  uninggha chétishliq emeldarlarni jazalashni telep qilishta aktip rol oynighan idi.
"Azadliq" radiyosining xewer qilishiche, mutellip memtimin adwokati janara esqer qizi bilen surghaq kenjibayéf heqqide axbarat yighini ötküzgen. Lékin adwokat janara esqer qizi axbarat yighinida surghaq kenjibayéfning ayalining merhum yazghuchi chingghiz aytmatowning qizi ikenlikini bilip, axbarat yighinini derhal toxtatqan.
Toluq bet