Amérika tashqi ishlar ministirining Uyghurlar heqqidiki sözige xitay étiraz bildürgen

Muxbirimiz irade
2019-09-03
Élxet
Pikir
Share
Print

Xitay, amérika tashqi ishlar ministiri mayk pompéyoning Uyghurlar heqqide qilghan sözige étiraz bildürgen.

Ötken jüme küni, amérika tashqi ishlar ministiri mayk pompéyo tiwittirda Uyghurlar heqqide toxtilip: "Xitay hökümiti shinjangdiki Uyghurlargha qaritiwatqan zor kölemlik tutqun herikitini dawam qiliwatqan bir peytte, rayondiki mejburiy ghayib qiliwétish heriketliri heqqidimu ishenchlik doklatlar mewjut. Men bu yerde xitay hökümitini xelq'araliq qanunlargha we xitayning öz qanunlirighimu xilap bolghan bu bésim siyasetlirini toxtitishqa yene bir qétim chaqirimen" dégen.

3-Séntebir seyshenbe küni, xitay tashqi ishlar bayanatchisi géng shu'ang kündilik axbarat élan qilish yighinida bu heqte toxtilip, amérika tashqi ishlar ministiri mayk pompéyoning tiwittir arqiliq xitayni qarilighanliqini, özlirining amérika terepke resmiy étiraz bildürgenlikini bildürgen.

Mayk pompéyo yéqinda, amérikaning "Abch" téléwiziye qanili teripidin Uyghur élidiki lagérlar heqqide ishlen'gen zor hejimlik programmida qilghan sözidimu xitay hökümitining Uyghur élide yighiwélish lagérliri qurup, Uyghur musulmanlirini ménge yuyushqa duchar qiliwatqanliqini bildürgen.

Toluq bet