Майк помпейо карб деңизи дөләтлирини хитайниң қәрз қилтиқидин агаһ болушқа чақирди

Мухбиримиз ирадә
2020-01-22
Елхәт
Пикир
Share
Принт

Америка ташқи ишлар министири майк помпейо 21-январ күни костарикада рәсмий зиярәттә болған иди. У костарикада қилған нутқида костарика вә башқа кариб деңизи дөләтлирини хитай тәһдити һәққидә агаһландурған.

Майк помпейо сөзидә «хитайниң мәблиғи қәрз патқиғи, беқиндичилиқ кәлтүрүп чиқириду, у дөләтниң игилик һоқуқини аҗизлитиду» дәп көрсәткән вә бу дөләтләрни хитай орниға америка билән болған һәрсаһә һәмкарлиқни күчәйтишкә риғбәтләндүргән.

22-январ чаршәнбә күни хитай тәрәп буниңға инкас қайтуруп, майк помпейониң сөзлирини әйиблигән. Ройтерсниң хәвәр қилишичә, хитайниң костарикада турушлуқ әлчиханиси рәсмий баянат елан қилип, майк помпейониң сөзлирини «мәсулийәтсизлик» дәп әйиблигән вә униң сөзлирини һечқандақ асаси йоқ, дәп тәкитлигән.

Бирақ, америка ташқи ишлар министири чаршәнбә күни карб деңизи дөләтлиригә қаратқан зияритиниң ахирқи бекити ямайкида қилған рәсмий нутқидиму охшаш сөзләрни тәкитлиди. У ямайка пайтәхти киңистонда бәргән «американиң карб деңизидики һәмкарлиқини кеңәйтиш» мавзулуқ нутқида охшашла район дөләтлирини хитайниң униң қәрз қилтиқиға чүшмәслик һәққидә агаһландурди. У «хитайдәк дөләтләрдин қәрз елиш бәк асан әлвәттә бу бәк яхши. Лекин униң нәтиҗиси немә болиду. Болупму бу дөләт чирик вә у сизниң қанунлириңизни көзгә илмиса, уларниң мәбләғлири сизниң муһитиңизни булғиғанни аз дәп, сизниң пуқралириңизға иш пурсити бәрмисә буниң немиси яхши. Мәнчә силәрниң униңдинму яхши шерикләрни таллаш имканиңлар бар» деди.

Пикирләр (0)
Share
Толуқ бәт