Шәнши йүлиндики партлашта 10 адәм өлүп 150 тин артуқ адәм яриланди

Мухбиримиз меһрибан
2016-10-25
Елхәт
Пикир
Share
Принт

Хитайниң шәнши өлкиси йүлин шәһири фугу наһийисидә 24 - өктәбир кәчтә йүз бәргән партлашта 10 адәм өлүп 150 дин артуқ адәмниң яриланғанлиқи ашкариланди.

Хитайниң һөкүмәт таратқулиридин шинхуа агентлиқиниң 24 - өктәбирдики хәвиридә, партлашта өлгәнләрниң 10 нәпәр икәнлики, 24 - өктәбир кечә саәт 11 гә қәдәр яриланғанлар саниниң 157 гә йәткәнлики ениқланғанлиқи, улардин 113 кишиниң дохтурханиларға давалашқа елип кетилгәнлики хәвәр қилинди. Әмма хәвәрдә вәқәниң йүз бериш сәвәби һәққидә тәпсилий мәлумат берилмигән.

Шәнши йүлин йәрлик һөкүмитигә қарашлиқ «сода тори» ниң вәқә һәққидики хәвиридә, партлашниң сәвәби һәққидә тохтилип, 24 - өктәбир чүштин кейин саәт 2 әтрапида фугу наһийиси шинмиң базирида йүз бәргән партлашниң бир аһалиләр бинасиниң йәр асти өйидә сақлиниватқан партлатқуч дора билән мунасивәтлик икәнлики тилға елинған. Түнүгүнки партлаш вәқәсигә сәвәб болған партлатқуч дориниң немә сәвәбтин аһалиләр олтурақ бинасида сақланғанлиқи вә кимгә тәвәлики һәққидә 25 - өктәбиргә қәдәр хитай һөкүмәт таратқулирида башқа изаһатлар берилмиди.

Толуқ бәт