Pakistan bash ministéri Uyghur mesiliside xitayni eyiblimeydighanliqini bildürdi

Muxbirimiz alim
2020-01-23
Élxet
Pikir
Share
Print

Pakistanning bash ministéri imran xan gerche özining Uyghur mesilisidin xewiri barliqini étirap qilsimu, özining bu mesile üstide xitay hökümitini eyiblimeydighanliqini bildürdi.

Imranxan 23-yanwar küni "Gérmaniye awazi" radiyosining ziyaritini qubul qilghan waqtidamuxbir uningdin: "Siz dunyaning hindistan kontrolluqidiki keshmir mesiliside tutqan inkasigha qarshi tenqidiy pikirde boldingiz. Emma Uyghur mesilisige kelgende xitayni tenqidlimidingiz. Buning sewebi nime?" dep sorighan. 

Imran xan buninggha jawaben: "Siz qoshnimiz hindistanda boluwatqan ishlarning kölimini xitaydiki Uyghurlarning béshigha kelgen atalmish ishlar bilen sélishtursingiz bolmaydu. Siz kölimigila qarap béqing. 8 Milyon keshmir xelqi 5 aydin béri 'üsti ochuq türme' de yashap keldi," dégen. 

Imran xan sozide yene "Buning ikkinji sewebi xitay pakistanning yéqin dosti. Biz eng müshkül bir weziyetke chüshüp qalghanda, yeni bizge iqtisadiy krizis miras qalghanda xitay hökümiti bizge yardem qolini sundi. Shunga biz xitay bilen bolghan munasiwetlerde mesililerni yépiq shekilde muzakire qilimiz. Biz mesililerni xitay bilen ochuq-ashkara shekilde sözleshmeymiz, chünki ular bek tuyghun we sezgür kélidu. Biz mesililerni mushu shekilde bir terep qilimiz," dégen.

Hindistanda chiqidighan "Iqtisad waqti" gézitining xewiride éytilishiche, imran xan bu qétimliq ziyarette özining Uyghur mesilisini bilidighanliqini étirap qilipla qalmlastin, belki yene musulmanlarning ziyankeshlikke uchrash mesiliside özining qosh bisliq meydanda turushtek numussizlarche pozitsiyesinimu namayen qilghan.

Toluq bet