Tonulghan obzorchi s j wérlémen lagérlardiki Uyghurlarning organ tijaritige qurban qiliniwatqanliqini bildürdi

Muxbirimiz irade
2020-01-22
Élxet
Pikir
Share
Print

Amérikadiki tonulghan obzorchi we tetqiqatchi s j wérlémen lagérlargha solan'ghan Uyghurlarning "Halal organ" tijaritige qurban qiliniwatqanliqini bildürdi.

S j wérlémen "Médiyum" namliq tor bette élan qilghan maqaliside, xelq'ara jama'et Uyghurlarning mesiliside yéterlik derijide inkas qayturmaywatqan bir ehwal astida yene, Uyghur lagér tutqunlirining beden ichki ezalirini élish üchün öltürülüwatqanliqi heqqide ishenchlik melumatlar barliqini bayan qilghan.

U bu heqte xitay tilidiki bir téléwiziye qanilida özini "Eyli" dep tonushturghan bir xitay ayalning bu heqte guwahliq bergen widiyosini misal qilip körsetken. Uningda éytilishiche, bu xitay ayal shangxeydiki mezgilde 37 neper se'udiliq ereb bimargha Uyghur rayonidin keltürülgen organ, yeni adem ichki ezasi köchürülgenlikige shahit bolghanliqini éytip bergen. S j wérilmen yene, hazir ereb döletliridiki tor betlerde xitayda "Halal organ" yötkesh heqqidiki élanlarning nahayiti asan közge chéliqidighanliqinimu tekitlep ötken.

S j wérlmen yene, Uyghur pa'aliyetchilerdin enwer toxti, erkin sidiqlar bilen ötküzgen söhbetliridimu Uyghurlarning organ etkeschilikige qurban qiliniwatqanliqi heqqide ishenchlik melumatlargha érishkenlikini, en'giliyediki bir musteqil organ teripidin élan qilin'ghan bu heqtiki doklattimu "Xitay hökümitining her yili az dégende 69 mingdin oshuq adem ichki ezasi yötkeydighanliqi we buning Uyghurlar we falun'gung muritliridin élinidighanliqi" heqqide doklati barliqini bayan qilghan. U maqaliside, mushuninggha oxshash barliq détallarni birleshtürgende Uyghur lagér tutqunlirining organ tijariti üchün öltürülüwatqanliqi éhtimalliqining intayin yuqiriliqini eskertip "Xelq'ara jem'iyetning yehudiy qirghinchiliqidin kéyinki bu zor qirghinchiliqni toxtitishi üchün yene qandaq pakitqa éhtiyaji bar" dep sorighan.

Toluq bet