Xitay ölümge höküm qilin'ghan mehbuslarning organlirini mejburiy ishlitishni toxtitidighanliqini jakarlidi

Muxbirimiz irade
2014-12-04
Élxet
Pikir
Share
Print

Xitay, ölümge höküm qilin'ghan mehbuslarning organlirini ruxsetsiz yötkep ishlitishke xatime béridighanliqini jakarlidi. Xitayning bu qarari kishilik hoquq organlirining alqishigha érishti.

Gardiyan gézitining xewer qilishiche, xitay döletlik organ i'ane komitéti bashliqi xu'ang jéfu charshenbe küni qilghan sözide, 1-ayning 1-künidin étibaren xitayda mehbuslarning öz raziliqi we tughqanlirining raziliqi bolmay turup, ularning organlirini yötkeshning toxtitilidighanliqini éytqan.

Bezi közetküchiler xitayda mehbuslarning hoquqini közitidighan musteqil organlar bolmighanliqtin ularning orginini bérishke öz raziliqi bilen qoshulghanliqini yaki uningghimu mejburlan'ghanliqini ayrishning yenila qéyin bolidighanliqini bildürmekte.

Xu'ang jifu sözide, bu yéngi sistéma ishqa kirishken teqdirde organ saqlap turghan doxturxanilargha éghir bésim peyda qilidighanliqini étirap qilghan. U, xitayda kishilerning özlükidin organ i'ane qilishni xalimaydighanliqini, buninggha tarixtin qalghan medeniyet we köz qarishining seweb boluwatqanliqini, shunga buni özgertish üchün xizmet ishleydighanliqini tekitligen. Xitaydiki mehbuslarning organlirini yötkep ishlitish qilmishining ziyankeshlikige Uyghur siyasiy mehbusliri we falun'gung muritliri eng köp uchraydu.

Toluq bet