Хитай өлүмгә һөкүм қилинған мәһбусларниң органлирини мәҗбурий ишлитишни тохтитидиғанлиқини җакарлиди

Мухбиримиз ирадә
2014-12-04
Елхәт
Пикир
Share
Принт

Хитай, өлүмгә һөкүм қилинған мәһбусларниң органлирини рухсәтсиз йөткәп ишлитишкә хатимә беридиғанлиқини җакарлиди. Хитайниң бу қарари кишилик һоқуқ органлириниң алқишиға еришти.

Гардиян гезитиниң хәвәр қилишичә, хитай дөләтлик орган ианә комитети башлиқи хуаң җефу чаршәнбә күни қилған сөзидә, 1-айниң 1-күнидин етибарән хитайда мәһбусларниң өз разилиқи вә туғқанлириниң разилиқи болмай туруп, уларниң органлирини йөткәшниң тохтитилидиғанлиқини ейтқан.

Бәзи көзәткүчиләр хитайда мәһбусларниң һоқуқини көзитидиған мустәқил органлар болмиғанлиқтин уларниң оргинини беришкә өз разилиқи билән қошулғанлиқини яки униңғиму мәҗбурланғанлиқини айришниң йәнила қейин болидиғанлиқини билдүрмәктә.

Хуаң җифу сөзидә, бу йеңи система ишқа киришкән тәқдирдә орган сақлап турған дохтурханиларға еғир бесим пәйда қилидиғанлиқини етирап қилған. У, хитайда кишиләрниң өзлүкидин орган ианә қилишни халимайдиғанлиқини, буниңға тарихтин қалған мәдәнийәт вә көз қаришиниң сәвәб болуватқанлиқини, шуңа буни өзгәртиш үчүн хизмәт ишләйдиғанлиқини тәкитлигән. Хитайдики мәһбусларниң органлирини йөткәп ишлитиш қилмишиниң зиянкәшликигә уйғур сиясий мәһбуслири вә фалунгуң муритлири әң көп учрайду.

Пикирләр (0)
Share
Толуқ бәт