Amérika tashqi ishlar ministirliqi nuriy türkel heqqide mexsus xewer berdi

Muxbirimiz eziz
2020-06-23
Élxet
Pikir
Share
Print

Washin'gton shehiridiki Uyghur adwokat nuri türkel yéqinda amérika xelq'ara diniy erkinlik komitétining komissarliqigha teyinlen'gendin kéyin 23-iyun küni amérika tashqi ishlar ministirliqi özlirining "Amérikadin hembehirlinish" sehipiside mexsus nuri türkel heqqide xewer berdi.

Xewerde eyni waqitta Uyghurlar diyaridiki lagérlarning biride dunyagha kelgen nuri türkelning aliy mektepni püttürgendin kéyin 1995-yili amérikagha oqushqa kelgenliki hemde shuningdin kéyinki hayat musapisi qisqiche eslep ötülidu. Shundaqla uning amérikada qanun penliridin unwan alghan tunji Uyghur adwokat bolush süpiti bilen "Uyghur kishilik hoquq qurulushi teshkilati" ning wujudqa kélishi, lagérlar mesilisini dunyagha anglitish qatarliq sahelerdiki tirishchanliqigha yuqiri baha béridu.

Xewerde nuri türkelning amérika xelq'ara diniy erkinlik komitétigha komissar bolup teyinlinishini "Amérika hökümitidin xitay hökümitige ewetilgen küchlük signal. Bu xitayning Uyghurlarni lagérlargha qamash qilmishini hergizmu qobul qilishqa bolmaydighanliqini tekitleshtur" dep körsitilidu.

Nuri türkel bu heqtiki ziyaret jeryanida ulargha söz qilip özining yillardin buyanqi Uyghur dawasida jughlighan tejribilirining nöwettiki xizmiti üchün bekmu paydiliq bolidighanliqini tekitlep: "Awazi öchürülgen bir xelq üchün sözlesh kishige tolimu huzur bexsh étidighan bir xizmet" deydu.

Melum bolushiche, nuriy türkel heqqide xewer bérilgen sehipe amérika tashqi ishlar ministirliqining dunyagha amérika heqqide melumat béridighan alahide közniki iken.

Toluq bet