Уйғур кишилик һоқуқ программиси «дуня мусапирлар күни» мунасивити билән тайландтики уйғур мусапирлар һәққидә баянат елан қилди

Мухбиримиз қутлан
2016-06-20
Елхәт
Пикир
Share
Принт

Бүгүн, йәни 20-июн «дуня мусапирлар күни».

Вашингтондики уйғур кишилик һоқуқ программиси бу мунасивәт билән мәхсус баянат елан қилип, тайландта тутуп турулуватқан уйғур мусапирларниң хәлқара кишилик һоқуқ қануни бойичә үчинчи бир бихәтәр дөләткә йәрләштүрүлүшини тәләп қилди.

Уйғур кишилик һоқуқ программиси өз баянатида тайландта туруп турулүватқан уйғур мусапирларни хитайға қайтурушниң бирләшкән дөләтләр тәшкилати мусапирлар комитети елан қилған мусапирларниң һәқ-һоқуқлири тоғрисидики мәхсус бәлгилимигә хилап икәнликини алаһидә әскәрткән.

Мәзкур баянатта уйғур кишилик һоқуқ программисиниң дериктори алим сейтофниң сөзи нәқил кәлтүрүлүп мундақ дейилгән: «мусапирлар қануниға асасланғанда, тайланд даирилири чоқум өз тәвәликидә тутуп турулуватқан уйғур мусапирлириниң бихәтәр җайға олтурақлишишиға йол қоюши керәк. Әгәрдә улар хитайға қайтурулса, уйғур мусапирларниң хитайда түрмигә қамилиши яки тән җазасиға учриши наһайити ениқ.»

Игилинишичә, нөвәттә тайландта тутуп турулуватқан уйғур мусапирлар 70 тин артуқ болуп, улар рамизанниң алдида ачлиқ елан қилған иди. 2015-Йили тайланд һөкүмитиниң 109 нәпәр уйғур мусапирни хитайға қайтуруши америка вә явропа иттипақиниң күчлүк тәнқидигә дуч кәлгән иди.

Пикирләр (0)
Share
Толуқ бәт