2018-Yilliq "Amérika Uyghur longqisi" ni talishish putbol musabiqisining tunji künidiki musabiqisi ghelibilik ötti

Muxbirimiz irade
2018-07-05
Élxet
Pikir
Share
Print

2018-Yilliq "Amérika Uyghur longqisi" ni talishish putbol musabiqisi 4-iyul küni, yeni amérikaning "Musteqilliq bayrimi" küni ghelibilik halda bashlandi. Wirginiye shtatida ötküzülüwatqan bu musabiqining tunji meydan musabiqisi "Teklimakan Uyghur komandisi" bilen "Mariyland Uyghur komandisi" arisida ötküzüldi.

"Teklimakan Uyghur komandisi" 0 ge qarshi 3 netije bilen "Maréland Uyghur komandisi" ni yéngiwaldi. 

Arqidin bir qanche qétim Uyghur amérika longqisi musabiqiliride chémpiyonluqqa érishken wirginiye shtatidiki "Uyghur birleshmisi komandisi" bilen "San-fransisko Uyghur komandisi" musabiqige chüshti. Keskin dawam qilghan musabiqide "Uyghur birleshmisi komandisi" 1 ge qarshi 3 netije bilen "San-fransisko Uyghur komandisi" ni yéngiwaldi. 

4-Iyul künidiki musabiqining eng axirqi musabiqisi "Kanada bughda komandisi" bilen "Boston-niyoyork birleshmisi komandisi" arisida oynaldi. Musabiqe netijiside "Kanada boghda komandisi" 1 ge qarshi 2 netije bilen utuwaldi. Top körüsh üchün meydan'gha yighilghan Uyghurlar qizghin keypiyat bilen topchilargha medet berdi.

"Amérika Uyghur longqisi" ni talishish musabiqisi 2015-yili tesis qilin'ghandin béri, her yili yazda ötküzüp kélinmekte. Bu musabiqe hazir shimaliy amérika qit'esidiki Uyghur yashlirining we shundaqla Uyghur jama'itining öz-ara uchrishidighan, balilargha Uyghur milliy rohini singdüridighan intayin muhim pa'aliyet sorunigha aylandi.

Putbol musabiqisining kün tertipige asasen ikkinchi küni, yeni 5-iyul küni "Uyghur birliki komandisi" bilen "Nyuyork boston komandisi", "Teklimakan komandisi" bilen "Los-anjélés komandisi", "San-fransisko komandisi" bilen "Kanada bughda komandisi" musabiqige chüshidiken.

Toluq bet