2018-Йиллиқ «америка уйғур лоңқиси» ни талишиш путбол мусабиқисиниң тунҗи күнидики мусабиқиси ғәлибилик өтти

Мухбиримиз ирадә
2018-07-05
Елхәт
Пикир
Share
Принт

2018-Йиллиқ «америка уйғур лоңқиси» ни талишиш путбол мусабиқиси 4-июл күни, йәни американиң «мустәқиллиқ байрими» күни ғәлибилик һалда башланди. Виргинийә штатида өткүзүлүватқан бу мусабиқиниң тунҗи мәйдан мусабиқиси «тәклимакан уйғур командиси» билән «марийланд уйғур командиси» арисида өткүзүлди.

«Тәклимакан уйғур командиси» 0 гә қарши 3 нәтиҗә билән «мареланд уйғур командиси» ни йеңивалди. 

Арқидин бир қанчә қетим уйғур америка лоңқиси мусабиқилиридә чемпийонлуққа еришкән виргинийә штатидики «уйғур бирләшмиси командиси» билән «сан-франсиско уйғур командиси» мусабиқигә чүшти. Кәскин давам қилған мусабиқидә «уйғур бирләшмиси командиси» 1 гә қарши 3 нәтиҗә билән «сан-франсиско уйғур командиси» ни йеңивалди. 

4-Июл күнидики мусабиқиниң әң ахирқи мусабиқиси «канада буғда командиси» билән «бостон-нийойорк бирләшмиси командиси» арисида ойналди. Мусабиқә нәтиҗисидә «канада боғда командиси» 1 гә қарши 2 нәтиҗә билән утувалди. Топ көрүш үчүн мәйданға йиғилған уйғурлар қизғин кәйпият билән топчиларға мәдәт бәрди.

«Америка уйғур лоңқиси» ни талишиш мусабиқиси 2015-йили тәсис қилинғандин бери, һәр йили язда өткүзүп келинмәктә. Бу мусабиқә һазир шималий америка қитәсидики уйғур яшлириниң вә шундақла уйғур җамаитиниң өз-ара учришидиған, балиларға уйғур миллий роһини сиңдүридиған интайин муһим паалийәт соруниға айланди.

Путбол мусабиқисиниң күн тәртипигә асасән иккинчи күни, йәни 5-июл күни «уйғур бирлики командиси» билән «нюйорк бостон командиси», «тәклимакан командиси» билән «лос-анҗелес командиси», «сан-франсиско командиси» билән «канада буғда командиси» мусабиқигә чүшидикән.

Пикирләр (0)
Share
Толуқ бәт