Хитай сиясий кеңәш рәиси ваң яң уйғур районидики лагерларниң алдирап тақалмайдиғанлиқидин бешарәт бәрди

Мухбиримиз шөһрәт һошур
2019-03-26
Елхәт
Пикир
Share
Принт

20-Марттин 25-мартқа қәдәр уйғур районида тәкшүрүш елип барған хитай мәмликәтлик сиясий кеңәшниң рәиси ваң яң, бир йерим милйондин артуқ инсан йиғивелиш лагерида солинип ятқан уйғур райони вәзийитини «муқим вә тинч» дәп мәдһийәлигән вә районда аталмиш «3 хил күч» ләргә қарита елип бериливатқан бастуруш сиясәтлириниң давамлишишини тәшәббус қилған.

Ройтерс агентлиқи қатарлиқ хәлқара ахбарат васитилириниң хәвәрлиридә дейилишичә ваң яң тәкшүрүш давамида уйғурлар зич олтурақлашқан қәшқәр вә тумшуқ шәһәрлирини көздин кәчүргән.

Қәшқәр вә тумшуқни битәрәп көз билән көзәткән һәрқандақ бир тәкшүргүчиниң бу шәһәрләрдә вәйран болған аилиләр, йетим қалған балилар вә тохтап қалған иш-тиҗарәтни байқиялайдиғанлиқини илгири сүргән дуня уйғур қурултийи баянатчиси дилшат ришит: «ваң яңниң мәқсити райондики реаллиқини көрүш яки уни түзитиш әмәс, бәлки мәркизи һөкүмәтниң буйруқлирини иҗра қиливатқан аптоном райондики һәр дәриҗилик әмәлдар вә сақчи күчлиригә җасарәт бериш» деди.

Уйғур аптоном райониниң рәиси шөһрәт закир алдинқи һәптә бейҗиңда қилған сөзидә аталмиш тәрбийәләш мәркәзлириниң җәмийәтниң еһтияҗиға қарап аста-аста тақилидиғанлиқини баян қилған иди. Көзәткүчиләр ваң яңниң зиярәт җәрянида қилған сөзлирини уйғур районидики йиғивелиш лагерлириниң алдирап тақалмайдиғанлиқидин бир бешарәт дәп қарашмақта.

Пикирләр (0)
Share
Толуқ бәт