Гүлхумарниң анисини қутқузуш һәрикити зор қоллашқа еришмәктә

Мухбиримиз әзиз
2019-02-04
Елхәт
Пикир
Share
Принт

Уйғур дияридики милйонлиған уйғурлар лагерларға қамиливатқанда фирансийәдә олтурушлуқ гулхумар лагерға қамалған анисини қутқузуш үчүн һәр саһә кишилиридин шундақла фирансийә һөкүмитидин җиддий ярдәм тиләп қилип, уйғур дияридики лагерлар мәсилисини техиму көп кишиләргә билдүрмәктә.

Алақидар хәвәрләрдин мәлум болушичә, гулхумар 2004-йили 14 йешида ата-анисиға әгишип фирансийәгә көчүп кәлгән. Улар кейинчә фирансийә пуқралиқини алған болсиму, гүлхумарниң аниси гүлбаһар ханим вәтәндики туғқанлирини йоқлап турушқа қулай болуши үчүн фирансийәниң «йешил карта» сини алған һәмдә өзиниң хитай пуқралиқини сақлап қалған. 2016-Йили гүлбаһар ханим пенсийә маашиға мунасивәтлик җәдвәлләргә имза қоюш һәққидики телефон уқтурушини алғандин кейин айропилан билән бейҗиңға учқан. Әмма бейҗиң айродромида гүлбаһар ханимниң қолидики хитай паспорти мусадирә қилинған. У җәдвәлләргә қол қоюш үчүн әсли идарисигә
Барғанда уни күтүп турғини хитай дөләт хәвпсизлик идарисиниң хадимлири болған.

Гулхумар кейинчә вәтәндики һаммиси вә башқа кишиләрдин анисиниң лагерға елип кетилгәнликини аңлиған. 2017-Йили у канада тәвәликидики бир уйғур аялниң аниси қамалған лагердин қоюп берилгәнликини аңлиғандин кейин у аялдин анисиниң әһвалини уқушқа барған. Анисини тонуйдиған һәмдә аниси билән бир лагерда турған, йәнә келип 2016-йили аниси билән охшаш вақитта тутқун қилинған бу аялни издәп тапқанда у аялниң аллиқачан нервисидин кәткәнликини, униң күн бойи деризә түвидә олтуруп өз-өзигә тохтимай сөзләйдиған вә хитай компартийәсини күйләйдиған хитайчә нахшиларни ғиңшийдиған болуп қалғанлиқини билгән. Анисиниң һазирқи әһвалидин һечқандақ хәвәр алалмиғандин кейин гулхумар аниси үчүн өзи күрәш қилишқа бәл бағлиған.

Гулхумар шуниңдин буян һәрқайси ахбарат васитилиригә, мунасивәтлик шәхсләргә, шуниңдәк фирансийә ташқи ишлар министирлиқиға анисиниң вә уйғурлар дияридики лагерларниң әһвали һәққидә көп қетимлап мәлумат бәргән. Шуниң билән биргә анисини қутқузуш үчүн торда мураҗиәтнамә чиқарған. Өткән һәптигә қәдәр бу мураҗиәтнамигә имза қойғанлар 450 миң кишигә йәткән. Һазир болса фирансийә президенти еммануел макрон билән алақилишиш һәмдә униңдин анисини қутқузуп чиқишқа ярдәмлишишни тәләп қилиш үчүн тиришмақта икән. У бу һәқтә сөз қилип, «яхши адәмла болса һәммиси һазир лагерға қамиливатиду. Йәнә келип яхши адәмләрни һөкүмәткә паш қилиш тәләп қилиниватиду. Чүнки хитай компартийәси һазир өз хәлқидин өзи ашу дәриҗидә қорқидиған һалға чүшүп қалған,» дегән.

Пикирләр (0)
Share
Толуқ бәт