Корлида 60 тонна сахта туз байқалғанлиқи ашкариланди

Мухбиримиз меһрибан
2014-12-30
Елхәт
Пикир
Share
Принт


Йеқинда корлида 60 тонна сахта туз ашкариланди. Хитай һөкүмәт хәвәрлиридә 19 - декабир күни корлиниң ләнгәр йезисидин тепилған 60 тонна сахта тузниң 1996 - йилдин буян уйғур аптоном районида ашкариланған әң көп миқтардики сахта туз икәнлики хәвәр қилинди. Мәлум болушичә, 60 тонна сахта туз әсли санаәткә ишлитилидиған туз болсиму, әмма бу туз қачиланған халтиларға «йимәклик тузи» дегән хәтләр бесилған. Мәһсулат игиси қанун орунлириға тапшурулған. Хитай хәвәрлиридә сахта тузни ишилигән ширкәт вә хоҗайиннниң кимлики тилға елинмиди.

Йеқинқи йиллардин буян хитайда сахта мәһсулат ишләш әһвали әвҗ алған, болупму йимәклик саһәсидә бу әһвал еғир болуп, хитайда ишләнгән «зәһәрлик сүт парашоки», «юндидин ишләнгән йимәклик йеғи», «сахта гөш мәһсулатлири» қатарлиқлар хитай пуқралирида йимәкликләр бихәтәрликигә болған ишәнчни йоқитип, наразилиқни күчәйткән иди.

Пикирләр (0)
Share
Толуқ бәт