Amérika koréye qirghaqlirigha jaylashturulghan awi'amatka sanini 3 ke yetküzdi

Muxbirimiz jüme
2017-06-03
Élxet
Pikir
Share
Print

Xewerlerge qarighanda, amérika herbiy da'iriliri yene bir awi'amatkini koréye yérim ariligha yollap, mezkur rayon'gha jaylashturulghan awi'amatka sanini 3 ke yetküzdi.

Amérika ikki hepte ilgiri özining "Ronald régan" we yadro matorluq "Karl winson" namliq ikki awi'amatkisini jenubiy koréyediki manéwirgha qatnashturushqa yollighan idi.

"Tashiqi siyaset" zhurnilining jüme küni xewer qilishiche, amérikining 3-awi'amatkisi "Nimitz" 1-iyun washin'gton shtatidiki herbiy porttin koréye yérim ariligha qarap yolgha chiqqan.

U közligen nishanigha yétip barghan haman rayonda charlashni dawamlashturidiken.

Xewerde körsitishiche, bu, "Karl winson" we "Ronald régan" namliq bu ikki awi'amatkigha yandashqan zerbe bérish guruppisining 1990-yilidin buyan tunji qétim gherbiy tinch okyandiki koréye qirghanlirigha yéqin jayda birleshme heriket qilishi iken.

Bu zerbe bérish guruppisi aldinqi ikki kündin buyan gherbiy tinch okyanda 3 künlük herbiy manéwirni bashlighan.

Yaponiyemu özining tik'uchar toshuydighan awi'amatkisini öz ichige alghan ikki chong herbiy kémisi bilen peyshenbe künidiki manéwirgha qatnashqan.

Manéwir bu hepte axiri tügeydighan bolup, manéwirgha yaponiye hawa armiyesining F15 we amérikining F18 tipliq küreshchi ayropilanlirimu ishtirak qilghan.

Shimaliy koréye da'iriliri xelq'ara jem'iyetning naraziliqigha qarimay rakéta we bashqurulidighan bomba sinaqlirini izchil dawam qilghandin kéyin, amérika özning eng ilghar bashqurulidighan bomba qalqan sistémisi -THAAD yeni "Yuqiri boshluq hawa mudapi'e términali" ni jenubiy koréyege orunlashturghan.

Bu xitayning naraziliqini qozghighan.

Peyshenbe küni xitay tashqi ishlar bayanatchisi xwa chünying amérikini mezkur qalqan sistémisini koréyedin yötkep kétishke chaqirghan.

Amérikining shuninggha yandashqa halda mezkur déngiz rayonigha 3 chong awi'amatkisini orunlashturushi rayon weziyitini közetküchilerning diqqitini tartmaqta.

Toluq bet