Илһам тохтиниң аилисидикиләргә уни 6 айғичә йоқлашқа болмайдиғанлиқи уқтурулди

Мухбиримиз меһрибан
2014-12-30
Елхәт
Пикир
Share
Принт


Уйғурларниң қануний һәқлирини ашкара тәләп қилғини үчүн хитай даирилири тәрипидин муддәтсиз қамаққа һөкүм қилинған уйғур зиялийси илһам тохтиниң, мәһбуслар бәһриман болушқа тегишлик әң төвән һоқуқ - аилисидикиләрниң түрмигә келип йоқлаш һоқуқидинму мәһрум қилиниши униң аилисидикиләрни нарази қилди.

Илһам тохтиниң аяли гузәлнур ханимниң 29 - декабир дүшәнбә күни радийомизға билдүрүшичә, муддәтсиз қамақ җазасиға һөкүм қилинған илһам тохти 12 - декабир күнидин башлап үрүмчи 1 - түрмигә йөткәлгән, әмма түрмә даирилири гузәлнурға язма уқтуруш әвәтип, 2015 - йил 6 - айниң 15 - күнигә қәдәр униң вә башқа уруқ - туғқанлириниң түрмигә келип илһам тохтини йоқлишиға вә түрмә сиртидин кийим - кечәк әвәтишигә рухсәт қилинмайдиғанлиқини алаһидә уқтурған.

Гүзәлнур ханим уқтурушни тапшурувалғандин кейин түрмә даирилиригә телефон қилғанда даириләрниң униңға бәргән җавабини баян қилип,«мән уқтурушни тапшурувалғандин кейин түрмигә телефон қилдим. Улар маңа һазир еримни йоқлишимға болмайдиғанлиқини ейтти, әмма сәвәбини изаһлимиди. 6 - Айниң 15 - күнидин кейин улар өзлири маңа уқтуруш қилидиғанлиқини билдүрди. Биз һазир уни йоқлиялмаймиз, униңға нәрсә әвәтишимизгиму рухсәт қилинмиди. Уларниң илһамниң бир мәһбус еришшишкә тегишлик әң төвән қануний һоқуқтинму мәһрум қилиниши мени қаттиқ үмидсизләндүрди» деди.

Пикирләр (0)
Share
Толуқ бәт