Kishilik hoquq teshkilatliri xitayning mehbuslardin ichki eza köchürüshni toxtitidighanliqi gumanliq, dédi

Muxbirimiz erkin
2014-12-05
Élxet
Pikir
Share
Print

Kishilik hoquq teshkilatliri xitayning 2015‏-yili1‏-yanwardin bashlap mehbuslardin mejburi ichki eza köchürüshni toxtitidighanliqi gumanliq, dep körsetti.

Xitay mu'awin sehiye ministiri xu'ang jyéfu, charshenbe küni bu yil 1‏-yanwardin bashlap ölümge höküm qilin'ghan mehbuslardin ichki eza köchürüshni toxtitidighanliqi, peqet ichki ezasini "Ixtiyari" béghishlighan mehbuslarningla ichki ezasi köchürüp ishlitilidighanliqini bildürgen idi.

Lékin xeter astidiki xelqler teshkilatining peyshenbe küni körsitishiche, xitay edliyisi döletning zorawanliqini chekliyelmise yaki cheklesh niyiti bolmisa, wijdan mehbusliri we ularning a'ile tawabi'atliri mejburiy ichki eza köchürüshtin xali bolalmaydu.

Mezkur organning tetqiqatchi, zhurnalist we adwokatlarning sözidin neqil keltürüshiche, 1990‏-yillirining axirliridin buyan 65 ming falun'gongchilar muriti we sansizlighan Uyghur xitaydiki ichki eza köchürüshning qurbanigha aylan'ghan.

Xeter astidiki xelqler teshkilatining asiya ishlirigha mes'ul xadimi ulrix déli'us, "Wijdan mehbuslirining ichki ezasini mejburi köchürüsh insanliqqa qarshi jinayet" dep körsitip, xitay da'iriliridin yuqiriqi weqelerning jinayi jawabkarliqini sürüshtürüshni, uzun yillardin buyan xitay memliketlik ichki eza köchürüsh komitétining mudirliq wezipisi ötep kéliwatqan xu'ang jyéfuni tekshürüshni telep qilghan.

Toluq bet