Кишилик һоқуқ тәшкилатлири хитайниң мәһбуслардин ички әза көчүрүшни тохтитидиғанлиқи гуманлиқ, деди

Мухбиримиз әркин
2014-12-05
Елхәт
Пикир
Share
Принт

Кишилик һоқуқ тәшкилатлири хитайниң 2015‏-йили1‏-январдин башлап мәһбуслардин мәҗбури ички әза көчүрүшни тохтитидиғанлиқи гуманлиқ, дәп көрсәтти.

Хитай муавин сәһийә министири хуаң җйефу, чаршәнбә күни бу йил 1‏-январдин башлап өлүмгә һөкүм қилинған мәһбуслардин ички әза көчүрүшни тохтитидиғанлиқи, пәқәт ички әзасини «ихтияри» беғишлиған мәһбусларниңла ички әзаси көчүрүп ишлитилидиғанлиқини билдүргән иди.

Лекин хәтәр астидики хәлқләр тәшкилатиниң пәйшәнбә күни көрситишичә, хитай әдлийиси дөләтниң зораванлиқини чәклийәлмисә яки чәкләш нийити болмиса, виҗдан мәһбуслири вә уларниң аилә тавабиатлири мәҗбурий ички әза көчүрүштин хали болалмайду.

Мәзкур органниң тәтқиқатчи, журналист вә адвокатларниң сөзидин нәқил кәлтүрүшичә, 1990‏-йиллириниң ахирлиридин буян 65 миң фалунгоңчилар мурити вә сансизлиған уйғур хитайдики ички әза көчүрүшниң қурбаниға айланған.

Хәтәр астидики хәлқләр тәшкилатиниң асия ишлириға мәсул хадими улрих делиус, «виҗдан мәһбуслириниң ички әзасини мәҗбури көчүрүш инсанлиққа қарши җинайәт» дәп көрситип, хитай даирилиридин юқириқи вәқәләрниң җинайи җавабкарлиқини сүрүштүрүшни, узун йиллардин буян хитай мәмликәтлик ички әза көчүрүш комитетиниң мудирлиқ вәзиписи өтәп келиватқан хуаң җйефуни тәкшүрүшни тәләп қилған.

Пикирләр (0)
Share
Толуқ бәт