Kanadaliq ikki adwokat awstraliye parlaméntigha xitaydiki adem organliri etkeschiliki heqqide shikayet qilghan

Muxbirimiz qutlan
2016-11-21
Élxet
Pikir
Share
Print

Kanadaliq ikki neper adwokat awstraliye parlaméntigha shikayet sunup, xitay türmiliridiki siyasiy mehbuslarning ichki ezalirini yötkep sétish qilmishigha qarshi bir teklip layihisini testiqlashni telep qilghan.

Birleshme agéntliqning bu heqtiki xewirige qarighanda, adwokatlarning biri kanadaning sabiq teptishi we asiya-tinch okyan mesililiri boyiche dölet ishliri katipi dawid kilgor, yene biri kanadadiki dangliq kishilik hoquq adwokatliridin dawid matas iken.

Ular awstraliye parlaméntigha sun'ghan shikayitide xitayning yiligha 60 mingdin 100 minggha qeder mehbuslarning ichki organlirini yötkep satidighanliqi heqqide delil-ispat körsiteleydighanliqini bildürgen.

Mezkur ikki adwokat yene xitay yötkep sétiwatqan adem organlirining türmidiki falun'gong muritliri, Uyghur siyasiy mehbusliri, tibet rahibliri we xitay xristi'an muritlirining bolushi mumkinlikini ilgiri sürgen.

Sidnéydiki xitay elchixanisi bu heqte hazirgha qeder héchqandaq inkas qayturmighan. Halbuki, amérika tashqi ishlar ministirliqi bu yil iyunda amérika dölet mejlisige xitaydiki adem organliri etkeschiliki heqqide doklat sun'ghanda xitay terep buni "Asassiz eyiblesh" dep ret qilghan idi.

Toluq bet