Хитайда фалунгуң, уйғур вә тибәт виҗдан мәһбуслириниң ички әзасини кәң көләмлик көчүрүш давамлиқ йүз бәргән

Мухбиримиз әркин
2016-06-23
Елхәт
Пикир
Share
Принт

Журналист вә паалийәтчиләр чаршәнбә күни доклат елан қилип, хитайда фалунгуң, уйғур вә тибәт виҗдан мәһбуслириниң ички әзасини кәң көләмлик көчүрүш әһвали давамлиқ йүз бериватқанлиқини билдүрди.

800 Бәтлик бу доклатни канадалиқ адвокати дәйвид матас, сабиқ канада дипломати дәйвид килгор вә америкилиқ журналист етан гутманлар йезип чиққан. Доклатта көрситишичә, хитайда һәр йили көчүрүлидиған адәм ички әзаси хитай һөкүмити елан қилғандин зор дәриҗидә артуқкән.

Хитай һөкүмити хитайда һәр йили 10 миң ички әза көчүрүлидиғанлиқини елан қилған иди. Әмма дәйвид матас чаршәнбә күни америка дөләтлик ахбарат кулубида чақирған ахбарат йиғинида, һазир хитайда һәр йили 100 миңдин артуқ ички әза көчүрүлидиғанлиқини билдүрди.

Доклатта көрситишичә, бу ички әзаларниң асаслиқ келиш мәнбәи фалунгуңчилар, уйғурлар вә тибәт виҗдан мәһбуслирикән. Улар хитайдики ички әза көчүридиған дохтурхана, кариват сани вә башқа ашкара учурларға асасән бу хуласини чиқарған.

Хитай һөкүмити 2015‏-йилдин башлап мәһбусларниң ички әзасини көчүрүшни тохтитип, пәқәт пуқралар ианә қилған ички әзаларни көчүридиғанлиқини җакарлиған иди. Әмма журналист гутман чаршәнбә күнки ахбарат йиғинида, пуқралар ианә қилған ички әза наһайити аз қисмини тәшкил қилидиғанлиқини билдүрди.

Пикирләр (0)
Share
Толуқ бәт